Jartylaı aýyr salmaqta WBO chempıony kolýmbıalyq Eleıder Alvares (24-0, 12 KO) qazaqstandyq Gennadıı Golovkın (38-1-1, 34 KO) jáne meksıkalyq Saýl "Kanelo" Alvares (50-1-2, 34 KO) arasyndaǵy qarymtaǵa qatysty áserimen bólisti. Bul týraly vesti.kz habarlaıdy.

Boksshylardyń WBC, WBA (Super) jáne IBO belbeýi úshin ekinshi jekpe-jegi 15 qyrkúıekte Las-Vegastaǵy T-Mobile arenasynda ótken bolatyn. 12 raýndqa sozylǵan qarymtada tóreshiler sheshimimen "Kanelo" jeńiske jetti. Al qazaqstandyq boksshy úshin bul alǵashqy jeńilis boldy. 

"Bul joly "Kanelo" jaqsy judyryqtasty, óıtkeni únemi alǵa júrdi. Alaıda Golovkın aýyr soqqylar kóbirek jasady, mine kimdi jeńimpaz dep moıyndaımyn. Degenmen boksta mundaı jaǵdaılar bop turady", - dep keltiredi Alvarestiń sózin BoxingScene.com.

Aıta keteıik, 28 jastaǵy meksıkalyq «Kanelo» Alvares 36 jastaǵy qazaqstandyq Gennadıı Golovkındi jeńdi. GGG kásipqoı boksta ómirinde alǵash ret jeńildi. Osylaısha Golovkınniń tıtýldarynyń bárin «Kanelo» aldy. Gennadıı Golovkın osyǵan deıin 39 jekpe-jek ótkizip bireýinde ǵana teń túsken bolatyn. Al  Saýl Alvares bolsa 52 kezdesýiniń ekeýinde teń túsip, Flod Meıvezerge ese jibergen.