Jańaózen oqıǵasyna qatysty alty jylǵa sottalyp, jazasyn ótep shyqqan ereýilshiler belsendisi Maqsat Dosmaǵambetov 29 qyrkúıekte qaterli isikten qaıtys boldy dep habarlaıdy Qamshy.kz aqparat agenttigi Azattyqtyń deregin negizge alyp. Bul týraly Dosmaǵambetovtyń anasy Ońaıgúl Dosmaǵambetova habarlady.
Maqsat Dosmaǵambetov bet súıegindegi qaterli isik dıagnozymen Mańǵystaý oblystyq aýrýhanasynyń onkologıalyq bóliminde jatqan.
Ol 2011 jyly Jańaózende «jappaı tártipsizdikti uıymdastyrýshy» dep tanylyp, alty jylǵa sottalǵan. Qazaqstan sotynyń barlyq apelásıalyq ınstansıalary onyń jazasyn jeńildetýden de, isti qaıta qaraýdan da bas tartqan. 2011 jylǵy Aqtaýdaǵy sotta Maqsat Dosmaǵambetov eń alǵash ret túrmedegi azaptaý týraly ashyq málimdeme jasap, onyń tergelýin talap etti. Onyń aryzynan soń qamaýdaǵy 21 munaıshy sotqa azaptaý týraly shaǵym túsirdi. Sot saraptamasy onyń qabyrǵasynyń, bet jaq súıeginiń synǵanyn anyqtaǵan.
2015 jyly 5 aqpanda Maqsat Dosmaǵambetov shartty túrde merziminen buryn bosatyldy. 2017 jyly 19 jeltoqsanda jazasyn tolyq ótedi.
