Tanymal fýtbolshy Krıshtıaný Ronaldýdyń basy daýǵa qaldy dep jazady Qamshy.kz aqparat agenttigi. Amerıkalyq Ketrın Maıorga nemistiń Der Spiegel jýrnalyna ashyq málimdeme jasady. Amerıkalyqtyń sózinshe, Ronaldý osydan 9 jyl buryn Ketrındi zorlaǵan.
Al Ronaldý bolsa, tósek qatynasynyń eki jaqtyń qalaýymen júzege asqanyn aıtady. Onyń sózinshe, qyz bundaı qadamǵa aqsha tabý úshin baryp otyr.
Qazir Portýgalıa quramasynyń kapıtany Ronaldý nemis jýrnalyn jalǵan aqparat taratqany úshin sotqa bermek. Sheteldik BAQ-tyń deregine súıensek, 2009 jyly Ronaldý Ketrın Maıorǵa bul aqpardy jurtqa jarıa qylmaýy úshin 375 myń dollar bergen.
Skudetto Sports óziniń áleýmettik jelisine Ronaldý men Ketrınniń Las-Vegastaǵy bı keshiniń birinde túsken sýreti men qyzdyń bolǵan oqıǵa týraly aıtqan málimdemesin jarıalady.
"Men Ronaldýǵa túndi birge ótkizgim kelmeıtinin aıttym. Alaıda ol meniń "joq", dep aıtqanyma qaramaı meni zorlady", deıdi Ketrın.
