Memleket basshysy Halyqqa qyzmet kórsetý ortalyǵy, Jumyspen qamtý ortalyǵy, Kóshi-qon qyzmeti jáne Azamattardyń hal aktilerin jazý bólimi (AHAJ) ornalasqan áleýmettik qyzmet kórsetý ortalyǵyn aralap kórdi dep habarlaıdy Qamshy.kz aqparat agenttigi Aqordanyń baspasóz qyzmetine silteme jasaı otyryp.
Ortalyq qala turǵyndarymen qatar sheteldik ınvestorlar úshin sıfrlyq formatta memlekettik qyzmet kórsetýge baǵyttalǵan.
Qazaqstan Prezıdentine ekonomıkanyń túrli sektorlaryn, sonyń ishinde agroónerkásip kesheni, bilim, turǵyn úı-kommýnaldyq sharýashylyǵy, densaýlyq saqtaý, kólik jáne qaýipsizdik salalaryn sıfrlandyrý jobalarynyń iske asyrylýy jóninde baıandaldy.
Baıandamany tyńdaǵan soń Nursultan Nazarbaev halyqqa memlekettik qyzmet kórsetý isiniń sapasyn arttyrý jáne jedeldetý úshin sıfrlandyrý baǵdarlamasyn júzege asyrýdyń mańyzdy ekenin erekshe atap ótti.
– Shymkent iri megapolıske aınalady. Munda jańa jobalar iske asyrylýda. Shymkenttikterdiń eńbekqorlyǵy – qalany damytýdyń kepili. Jumystyń eń mańyzdy baǵyty – shaǵyn jáne orta bıznes. Ony damytý úshin tıisti qoldaý kórsetý qajet, – dedi Qazaqstan Prezıdenti.
