Qytaıdaǵy Sina portaly qytaılyqtar arasynda rezonans týdyrǵan vıdeo jarıalady. Onda qytaılyq jýrnalıs Trampqa saýda soǵysy men Qytaıǵa qarsy salynǵan sanksıalar úshin alǵys aıtqan. Bul týraly inosmi.ru saıty jarıalady. «Jýrnalıs alǵys bildirý arqyly mazaq etip turǵanymen, Tramp pozısıasynyń álsiz tustaryn jetkize alǵan» dep jazdy Inosmi.
Vıdeoda Trampqa «rızashylyǵyn bildirgen» jýrnalıs «Tek sizdiń arqańyzda Qytaı jaqsy jaqqa qaraı ózgerip keledi» dedi.
Onyń ústine qytaılyq ZTE kompanıasyna salǵan sanksıalar úshin de alǵys aıtty. Sebebi sanksıanyń áserinen qytaılyqtar ónerkásip kompanıasynyń álsizdigin kóre aldy. Endi kompanıaǵa tıisinshe qarjy bólinetin bolady.
Sonymen qatar, qytaılyqtar AQSH-tan tys jerde satyp alýǵa turarlyq keremet kásiporyndardyń bar ekenin bildi. Vıdeodaǵy jýrnalısiń aıtqanyn tómendegi mátinnen oqı alasyzdar:
«Qurmetti Tramp myrza!
Qytaı men AQSH aı men kún sekildi, bir-birine múlde uqsamaıtyn alshaq memleketter. Sol sebepti bir kelisimge kelip, túsinisý kerektigin túsindirgen shok terapıańyz úshin alǵys bildiremin. Intellektýaldar, ǵalymdar, kompanıalar qıyndyqtardy zerttep, tyǵyryqtan shyǵý maqsatynda birigedi. Siz Dúnıejúzilik saýda uıymyn reformalaýdyń qajettiligin eske salǵandyqtan, ózge elder birigip jatyr. Qytaıdyń kemshilikterin búkil álemge pash etken baıandamańyz úshin raqmet. Endi memleketimiz reformalar ótkizip, sheteldik ınvestısıalardy tartýǵa múmkindik aldy. Sálem, Tesla!
Qytaıǵa qarapaıymdylyq qasıetti qaıtarǵanyńyz úshin taǵy alǵys aıtamyz. Ózimshildik pen menmendikten týǵan kemshilikterge aksent jasap, kóńil bólgenińiz úshin alǵys. Eshkim siz sekildi meıirimdi emes.
Siz bolmasańyz jáne ZTE kompanıasyna salǵan sanksıalaryńyz bolmasa, Qytaı ónerkásibine aıtarlyqtaı kóńil bólinbes pe edi, endi burynǵydan da kóp qarjy salynatyn bolady. AQSH-tan tys jerde satyp alýǵa bolatyn tamasha nysandardyń bar ekenin kórsettińiz. Qytaıdyń Eýropadan satyp alǵan nysandarynyń kólemi jarty jylda 20 mıllıard dollardy qurady. Bul kórsetkish AQSH-tan 9 ese kóp.
İskerlik ortanyń ókilderine qarapaıym, ustamdy bolýdy úırettińiz. «Semizdikti qoı ǵana» kóteredi degen sóz bar emes pe? «Boıng» (Boeing) bıyl qytaılyqtarǵa áser etken joq. AQSH-tyń iri IT kompanıasy tapsyrys qabyldaýdy doǵardy, naryqtaǵy úlesin tómendetý úshin Qytaıdaǵy baǵalardy ósirdi. Kásipkerler sizge qaryz boldy, sol sebepti burynǵydan da belsendi jumys isteıtin bolady.
Sizdiń arqańyzda amerıkalyq vechına men býrbon (sapaly vıskı) ónimderinen bas tarttyq.
Jýrnalıs retinde maǵan úıretkenińiz kóp boldy. Sol úshin de myń alǵys.
Siz ben sizdiń komandańyz bolmasa, saýda soǵysyn jaı ǵana ótkinshi qıyndyq dep túsiner edik.
Bizge basshylyqtyń keremet ádisin úıretkenińiz úshin alǵys aıtamyz. Men muny «Tramptyń kózi» dep atar em.
BAQ-tyń bedelin túsirgenińiz de bizdi zor múmkindikterge jeteledi. Sebebi sizdiń arqańyzda eki ese jyldamdyqpen jumys isteımiz, árbir materıalymyzdy myń qaıtara tekserip, sapaly ekendigine kóz jetkizip otyratyn bolamyz. Siz uly adamsyz!
İzgi mahabbatpen, Chen Leı»
