3 qazan tańerteńgi jaǵdaı boıynsha kómir satatyn jerlerdegi jalpy qatty otynnyń qory 9677,1 tonnany quraıdy, dep habarlaıdy Astana ákimdiginiń resmı saıty.

1 jáne 2 qazanda Astanaǵa 62 vagon kómir kelip tústi nemese 4302 tonna. Onyń 43 vagony Shubarkól markasy nemese 2907 tonna; Maıkóbe – 310 vagon nemese 700 tonna; Qaradyra 14 vagon nemese 278 tonna, Bogatyr kómiri 5 vagon nemese 348 tonna.

1 tamyzdan 2 qazanǵa deıin astanaǵa 93,7 myń tonna qatty otyn kelip tústi. Aldyn habarlaǵandaı, Astana qalalyq otyn-energetıkalyq kesheni jáne komýnaldyq sharýashylyq basqarmasy kómir óndirýshilermen baǵany ósirmeý týraly memorandýmdarǵa qol qoıǵan bolatyn.

Naryqtaǵy kómir ahýaly kún saıyn Astana qalasy ákimdigimen birge monıtorıń júrgizilip, únemi baqylaýynda tur. «iKomek 109» bazasynda turǵyndarǵa arnalǵan qatty otynnyń baǵasy men satý oryndary týraly jedel jeli quryldy.