Álimuhammed Quttymuratuly bıznes ortalyǵynyń ókilderine oblys ortalyǵynda júzege asyrylyp jatqan jobalar týraly aıtyp berdi.
Atyraýda qala ákimi Álimuhammed Quttymuratulynyń kásipkerlermen kezdesýi ótti. İs-shara «suraq-jaýap» formatynda ótti, oǵan oblys ortalyǵynyń 200-ge jýyq kásipkeri qatysty.
Atyraý qalasynyń ákimine 20-ǵa jýyq suraq qoıyldy, olardyń basym bóligi kásipkerlik nysandaryn salýǵa jer telimderin bólý, ınfraqurylym ótkizý, monopolıserge qatysty máselelerdi sheshý boldy.
Qatysýshylardyń suraqtaryna jaýap berip qala ákimi Álimuhammed Quttymuratuly kásipkerlerge Atyraý qalasynyń damýy men órkendeýine úles qosýdy ótindi.
-Búgingi tańda qala 150 mlrd teńgege jýyq jobalardy júzege asyrýda. Barlyq jobalar qala úshin óte mańyzdy. Jergilikti búdjetten olardy júzege asyrý úshin qarajat jetispeıtinin túsinemiz, sondyqtan kásipkerlerdi qalanyń damýyna úles qosýǵa jáne qalany jaqsartýǵa kómektesýge shaqyramyz.
Mysaly, ótken jyly kásipkerler kóptegen sport alańdaryn salǵan. Aqtóbeniń kásipkerleri 1 mlrd. teńgeden astam somaǵa obektiler salǵan. Qulsary qalasynda jergilikti kásipkerlerdiń biri 800 mıllıon teńgege balabaqsha salyp, ony qalaǵa syıǵa berdi. Bıylǵy jyly bıznestiń ókilderi bizdiń Atyraýdy jaqsartýǵa kómekteskenin qalaımyn, - dep Álimuhammed Quttymuratuly kásipkerlerge ótinish bildirdi.
Qala ákiminiń aıtýynsha, kásipkerler qazirgi tańda elimizde kóptegen júzege asyp jatqan baǵdarlamalarǵa demeýshi men qaıyrymdylyq kómekshi bolyp belsendi qatysa alady - "Týǵan jerge taǵzym", «Jomart júrek». Memleket basshymyzdyń "Bolashaqqa baǵdar: Rýhanı jańǵyrý" baǵdarlamasynyń maqalasyn júzege asyrý aıasynda qalanyń damýyna eleýli úles qosýǵa múmkindik bar.
- Sizderdiń árqaısyńyzdyń bıznes-qurylymdaryńyz bar, eger siz olardy ósirip, aǵashtar otyrǵyzsańyz, olarǵa qamqorlyq jasasańyz, bul qalanyń damýy men gúldenýine baǵa jetpes úles bolady.
Ia, biz aıyppul sala alamyz, biraq biz sizdiń sanańyzǵa úmit artyp, muny istegimiz kelmeıdi. Óz tarapymyzdan biz tehnologıa men kóshetterge kómektesýge daıynbyz, - dedi qala ákimi kásipkerlerge.
Álimuhammed Quttymuratulynyń aıtýynsha, 2019 jyly oblys ortalyǵynda 100 turǵyn úıdi jabdyqtaý josparlanyp otyr. Qazirgi ýaqytta jańa jobanyń tujyrymdamasy ázirlenýde, ony júzege asyrý barysynda kásipkerler belsendi qatysa alady.
