Búgin Barselonada esimi álemge áıgili opera ánshisi Monserrat Kabale 85 jasynda qaıtys boldy dep jazady Qamshy.kz aqparat agenttigi.  Bul týraly Ispanıanyń La Vanguardia basylymy habarlady.

Dańqty ánshi túnde San-Paý aýrýhanasynda kóz jumǵan. Qyrkúıek aıynda Monserrat Kabaleniń naýqastanyp, Barselonadaǵy aýrýhanalardyń birinde emdelip jatyr degen aqparat taraǵan edi. Jýrnalıser onyń qýyq bezi aýyratynyn da ashyq málimdegen.

Monserrat Kabale 1933 jyly Barselonada dúnıege kelgen. Ol 1954 jyly sol qaladaǵy Lıseo teatry janyndaǵy konservatorıany bitirgen. Sahnadaǵy eńbek jolyn 1956 jyly Bazel operasy ánshisi bolyp bastaǵan. 1960 jyldardyń ortasyna deıin Kabale Eýropadaǵy túrli opera teatrlarynda óner kórsetken.

1965 jyly Monserra Kabale Karnegı-hollda qoıylǵan Gaetano Donısettıdiń "Lýkresıa Bordjıa" operasynda amerıkalyq ánshi Merılın Hornnyń ornyna sahnaǵa shyǵyp, án shyrqaǵannan keıin onyń esimi álemge tanylǵan. Sol jyly ol alǵash ret "Metropolıten-operada" án salǵan, Kabale ol jerde 1980 jyldardyń sońyna deıin óner kórsetti.

Jerleý rásimi dúısenbi kúni ótedi dep josparlanýda.