Altaı Respýblıkasy men Qazaqstan arasynda jańa jol salýdy josparlap otyr. Bul týraly Reseı aımaǵynyń basshysy Aleksandr Berdnıkov Qazaqstan konsýly Qonysbek Júsipbekovpen kezdesýinde málimdedi dep jazady Reseıdegi Qazaqstan elshiliginiń saıty.
Berdnıkovtyń sózinshe, osy jyldyń qarasha aıynda memleket basshylary Vladımır Pýtın men Nursultan Nazarbaevtyń kezdesýi barysynda talqyǵa salynatyn basty taqyryp týrızm salasyndaǵy ózara yntymaqtastyq.
«Altaı Respýblıkasynda bul jetekshi baǵyttardyń biri. Aldyńǵy jyly biz 2 mıllıonnan asa qonaqtardy kútip aldyq jáne olardyń sany jyl sanap artyp kele jatyr. Qazirgi ýaqytta joǵary deńgeıde talqylanyp jatqan Qazaqstanǵa jol salýdan keıin osy jáne basqa da aspektilerde ózara yntymaqtastyq odan ári nyǵaıtylady», - dep málimdedi Berdnıkov.
Óz kezeginde Qonysbek Júsipbekov qazaqstandyq týrıser arasynda Altaı taýlary suranysqa ıe ekendigine senim bildirdi. Sondaı-aq, ol Altaı Respýblıkasy men Shyǵys Qazaqstan oblys arasynda salynatyn jol tek týrıserdiń sanyn arttyryp qana qoımaı, ekonomıkalyq jaǵdaıdy da, arttyratynyna senip bildirdi.
