Búgin tarıhta qalatyn ǵasyr jekpe-jeginde Habıb Konordy qylǵyndyrý tásili arqyly jeńgen bolatyn. Atalmysh jekpe-jekten keıin jankúıerler men Habıbtiń arasynda daý shyǵyp, uıymdastyrýshylar UFC beldigin Habıbke tabystamady. UFC prezıdenti Dana Ýaıt Habıbke ne úshin beldikti tabystamaǵanyn túsindirdi dep jazady Qamshy.kz aqparat agenttigi.
"Men Konordyń komandasyndaǵy jigit jeńiske jetken Habıbti jekpe-jekke shaqyrǵanyn kórdim. Konordyń komandasy Habıbti balaǵattaı bastady. Habıb ruqsatsyz shyǵyp álgi jigitpen tóbelesip qaldy. Qazirgi kezde tergeý júrgizilip, naqty qandaı jaǵdaı bolǵany anyqtalyp jatyr. Men eger Habıbke beldikti tabystasam arenadaǵy adamdardyń ne isteıtinin kóz aldyma elestete de almaımyn. Mundaı jaıttan keıin bul eki sportshy da UFC chempıonatyna qatyspaýy múmkin. Ázirge komısıa músheleri bul jaıttyń jaı-japsaryn anyqtap jatyr. Habıbke endigi kezekte vıza berilmeýi ábden múmkin. Sonymen birge eki sportshyǵa tergeý jumystary aıaqtalmaıynsha aqsha tólenbeıdi. Aldaǵy ýaqytta olardy aıyppul men jaza kútip tur. Mundaı jaıttyń bolatynyn men kútpedim. Barlyǵy kútpegen jerden boldy. Habıbtiń oktagonnan shyǵyp ketetinin kútken joqpyn. Olar shynymen bir-birin jek kóredi. Men Habıbti chempıon dep esepteımin. Habıb menen chempıondyq beldikti tabystaýdy surady. Biraq men qarsy boldym. Sebebi arenada 20 myńǵa jýyq adam boldy. Men olardyń da qaýipsizdigine jaýaptymyn. Jaqyn arada eki sportshy da suqbat beretin bolady. Eger Habıb Konordyń qolyn alyp, "búgin tarıhta qalatyn jekpe-jek boldy",-dep aıtýyna bolatyn edi. Sol kezde bul jekpe-jek basqasha aıaqtalyp, Habıbtiń bedeli artatyn túsetin edi. Alaıda barlyǵy basqasha aıaqtaldy. Bul men úshin eń aýyr tún boldy", dedi UFC prezıdenti Dana Ýaıt.
