Búgin Las-Vegas qalasynda ótken ǵasyr jekpe-jeginde Habıb Numaǵamedov óziniń chempıondyq beldigin saqtap qaldy. Biraq jekpe-jekten keıin jankúıerler men Habıbtiń arasynda daý týyndap, Habıbke chempıondyq beldik berilmegen bolatyn. Atalmysh keleńsiz jaıtqa baılanysty UFC prezıdenti Dana Ýaıt pikir bildirip, Habıbti chempıon dep esepteıtinin aıtqan. Keıin pres-konferensıaǵa Habıb Nurmaǵamedov te kelip, keshirim surady dep jazady Qamshy.kz aqparat agenttigi. 

"Men keleńsiz jaıt úshin jankúıerlerden de, uıymdastyrýshylardan da keshirim suraımyn. Meniń kim ekenimdi kóptegen adam biledi. Konor berildi, jeńildi. Qudaıǵa shúkir, men chempıomyn. Beldik te ózimde qaldy.  Alaıda meni ákem "syılaı bil, sylata bil", dep tárbıelegen bolatyn. Biraq men ózimniń otbasyma, ultyma nemese dinime qatysty jaǵymsyz pikirge shydaı almaımyn. Jekpe-jek kezinde bolsyn, jekpe-jekten buryn bolsyn kez kelgen azamat qarsylasynyń dinin, ultyn syılaı bilý kerek dep esepteımin. Men Qudaıǵa shúkir maqtana alamyn. Maǵan Pýtınniń ózi habarlasyp jeńisimmen quttyqtady. Meniń bul áreketimdi kórgen ákem úıge barǵanda jazalaıtynyn bilip otyrmyn. Ákeme meniń bul áreketim unamady. Sizderge raqmet!", dep Habıb Nurmaǵamedov jýrnalıserdiń suraǵyna jaýap berýden bas tartyp pres-konferensıadan ketip qaldy.