Qaraǵandyda «Nurly jer» baǵdarlamasymen salynǵan bes qabatty, 60 páteri bar turǵyn úı paıdalanýǵa berildi. Bırúzov kóshesinde boı kótergen úıden baspanaǵa muqtaj bolyp otyrǵan 16 otbasy páterli boldy.
Olarǵa jańa páterlerdiń kiltin qala ákimi Nurlan Áýbákirov tabys etti.
Jalǵa beriletin baspanaǵa jetim balalar, kóp balaly otbasylarǵa berildi. Sondaı-aq búdjet qyzmetkerleri, áskerı jáne memlekettik qyzmetshiler de páterli boldy.
Budan tys, jyl sońyna deıin baspana qurylysy baǵdarlamasy boıynsha Qaraǵandyda taǵy 325 páterdi paıdalanýǵa berý josparda bar. Úıler qaladaǵy 12, 14 jáne 15-shaǵyn aýdandarda salynyp jatyr.
2 jáne 3 bólmeli páterlerdiń kilti saltanatty jaǵdaıda tapsyryldy. Aýmaǵy 962 sharshy metrdi quraıtyn eki qabatty turǵyn úıdiń qurylysy «Qoljetimdi baspana-2020» baǵdarlamasy boıynsha júrgizilipti. Ol úshin respýblıkalyq búdjetten 86 mıllıon teńge qarjy bólingen. Qonys toıyn toılaǵandardyń biri Oqasovtar januıasy. Ustaz bolyp eńbek etetin otanasy ár jerde úı jaldap kelgen. Endi úsh bólmeli keń páterge jaıǵasty. Taǵy bir qýanysh, qazir aýdan ortalyǵy Atasý kentinde «Nurly jer» baǵdarlamasy aıasynda 4 birdeı kóp qabatty úıdiń qurylysy júrip jatyr. Jýyrda taǵy 56 otbasy osyndaı qýanyshqa keneledi.
Aıta ketý kerek, qazir aýdan boıynsha 600-den astam otbasy páter kezeginde tur.
Áıgerim Oqasova, Jańaarqa aýdanynyń turǵyny:
- Kóńil-kúıim óte tamasha. Kópten kútken qýanyshqa búgin qolym jetip otyr. Osy baspanaǵa 9 jyl kezekte turdym. «Sabyr túbi sary altyn» deıdi, minekı qolymyz 3 bólmeli páterge jetip otyr. Qurylys sapasyna kóńilim tolady. Jylý qazandyǵyna qosýly, sýy aǵyp tur.
