Mańǵystaýda 500- ge jýyq otbasy baspanaly boldy.
«Nurly jer» memlekettik baǵdarlamasy aıasynda 500 otbasyna jańa páterler kiltteri saltanatty túrde tabystaldy. Sharaǵa Mańǵystaý oblysynyń ákimi Eraly Toǵjanov, «Qazaqstan Ipotekalyq Kompanıasy» IU» AQ Basqarma Tóraǵasynyń orynbasary Rýslan Kákim qatysty.
Qazaqstan Ipotekalyq Kompanıasy Aqtaý qalasynyń 55 jyldyq merekesi qarsańynda kezekte turǵan 478 otbasyna: 161 bir bólmeli, 237 eki bólmeli jáne 80 úsh bólmeli páter kiltterin tabystady. Jańadan salynǵan kóp qabatty turǵyn úıdiń jalpy aýdany 26 122,4 sharshy metr. Páterler taza árleýden ótken. Olardyń barlyǵynda qajetti komýnıkasıalar men gaz plıtasy jáne santehnıka ornatylǵan. Jańa turǵyn úı Elbasy Nursultan Nazarbaevtyń «Nurly jer» baǵdarlamasynyń «Satyp alýmen jalǵa berý» baǵyty aıasynda júzege asyp otyr.
«Nurly jer» baǵdarlamasy boıynsha elimizde 1,5 mıllıonǵa jýyq qoljetimdi turǵyn úı salý josparlanǵan. Sonymen birge salynatyn ǵımarattardyń sapasyna, ekologıalyq tazalyǵyna jáne energıalyq tıimdiligine joǵary talap qoıylýda. Osyǵan oraı úkimetke, jergilikti atqarýshy bılik organdaryna halyqty turǵyn úımen qamtamasyz etý isin jedel ári tıimdi júrgizý boıynsha úlken salmaq salynyp, jaýapkershilik júkteldi. Búkil elimizdegi sıaqty, qazir bul baǵyttaǵy naqty jumystar Aqtaý qalasynda da iske asyrylyp jatyr.Aqtaý qalasyndaǵy jańa shaǵyn aýdandardy ıgerý, barlyq ınfraqurylymymen jańadan úıler turǵyzý, munyń barlyǵy da túptep kelgende áleýmettiń áleýetin arttyrýǵa baǵyttalǵan josparly jumystardyń nátıjesi»,-dedi Eraly Toǵjanov.
Aqtaý qalasynda «Satyp alýmen jalǵa berý» baǵyty boıynsha búginge deıin jalpy aýdany 56664,9 sharshy metrdi quraıtyn 986 páteri paıdalanýǵa berildi. «Qazaqstan Ipotekalyq Kompanıasy úshin qazaqstandyqtardyń, birinshi kezekte, halyqtyń eń osal toptary – kóp balaly jáne tolyq emes otbasylardyń, múmkindikteri shekteýli adamdardyń, jetimderdiń turǵyn úıge qoljetimdiligin arttyrý basymyraq. Bul Elbasymyzdyń bastamasymen júzege asyrylǵan bizdiń ortaq isimiz. Bizge jaýapty mısıa júkteldi jáne biz ortaq kúsh-jigerimizdi biriktire otyryp, joǵary nátıjelerge qol jetkize alatynymyzdy dáleldeı aldyq», -dep atap ótti Rýslan Kákim.
