Jyl basynan beri Esil aýdanynda belgilenbegen oryndarda qoqys tókkeni úshin 65 iri júk kóliginiń júrgizýshisi ustaldy, dep habarlaıdy astana ákimdiginiń resmı saıty.
Esil aýdandyq İİB JPQ tabıǵatty qorǵaý polısıasy bólimshesiniń qyzmetkerleri sanksıasyz tógilgen qaldyqtardy anyqtaý úshin 6 qazan kúni kezekti reıd júrgizdi. Shara barysynda Nura-Esil kanalynyń boıy men Qorǵaljyn tas jolynyń boıyna qurylystan qalǵan qoqystardy tókken 2 júrgizýshini ustady.
«Atalǵan fakti boıynsha buzýshylardyń árqaısysyna 48 myń teńge ákimshilik aıyppul salyndy, al olardyń avtokólikteri aıyppul turaǵyna áketildi. Qoqystyń «Nova sıtı» turǵyn úı kesheniniń qurylysy júrip jatqan obektiden shyǵarylǵandyǵy belgili boldy.
Qorshaǵan ortany lastaý faktisi boıynsha materıaldar Ekologıa departamentine shara qoldaný úshin jiberildi», - delingen aýdandyq İİB JPQ tabıǵatty qorǵaý polısıasy bólimshesiniń habarlamasynda.
Jyl basynan beri aýdanda belgilenbegen oryndarda qoqys tókkeni úshin 65 avtokólik ustalyp, 2 mln teńgeden asa aıyppul salyndy.
