«Daǵystandyqtar medalsiz qalsa da, namystaryn taptatpaı er minezin saqtap qalýy tıis». Bul kúni keshe ırlandıalyq MakGregordi jeńip, chempıondyq belbeýin saqtap qalǵan boksshy Habıb Nurmaǵamedovtiń ákesiniń aıtqan sózi. Abdýlmanap Nurmaǵambetovtiń esimin búkil Reseı biledi, syılaıdy. Sebebi ol erkin kúresten, sambodan birneshe chempıondy tárbıelegen bapker. Al sol elge syıly adamnan uly Habıb qorqady. Nege? Abdýlmanap Nurmaǵamedov degen kim? Sholý jasap kórelik...
Vıkıpedıadaǵy málimetke súıensek, ol erkin kúresten SSRO sport sheberi, Reseıdiń qurmetti bapkeri, Sambodan Daǵystan respýblıkasy ulttyq qurmasynyń bas bapkeri, dzúdo men sambodan Ýkraına chempıony. Daǵystanda týyp ósken. Jastaıynan sport salasyna den qoıdy. Sporttaǵy mansabyn erkin kúresten bastap, sport sheberi atandy. Áskerde júrgen kezinde dzúdo jáne sambomen aınalysty. Reseıge tanymal Petr Býtrıı – Abdýlmanap Nurmaǵamedovtiń jattyqtyrýshysy.
Bapkerdiń sport jolyndaǵy eń alǵashqy ári ózi maqtanyshpen moıyndaıtyn jetistigi – 1992 jyly chempıon bolǵan shákirti, inisi Nurmaǵamed Nurmaǵamedov.
Sonymen qatar, erkin kúresten Daǵystan men Reseıdiń kelesi chempıondaryn daıyndady: Qazıev Magomedhan, Darbızshev Saıdbek, Magomedov Hasan, Mýtalımov Qajymurat, Omarov Dabadan, Alıev Magomedrasýl.
Suhbattaryna sholý
Bapkerdiń birneshe suhbatyn qarap shyqtyq. Ózin salmaqty, baısaldy ustaıtyn Nurmaǵamedov úshin namys birinshi orynda ekenin ańǵarý qıynǵa soqpady. Bálkim, bul taýly aımaqtyń erlerine tán ortaq qasıet bolar. Alaıda Abdýlmanaptyń eki sóziniń birinen «namys» degendi estısiń eriksiz. Abdýlmanap Nurmaǵamedovtiń suqbattaryn nazarlaryńyzǵa usynamyz.
— Er balany batyr dep qandaı jaǵdaıda aıtýǵa bolady?
Ol eń aldymen otbasyn, áıelin, bala-shaǵasyn ári otanyn qorǵaı alatyn dárejede bolýy kerek. Sebebi munyń bári er jigittiń namysy. Namyssyz er ezben teń.
— Sizdi qatal tárbıeledi me?
Iá, ákem qatal boldy. Biraq bul durys. Ákesi qatal bala namysty bolyp ósedi.
— Balany qalaı tárbıelegen durys?
Daǵystandyq balalar tańnan keshke deıin bos bolmaýy kerek. Erte turý, jattyǵý jasaý, mektepke barý, bir saǵat demalý, ata-anasyna kómektesý, keshke jattyǵý jasaý, 2 saǵat ýaqytyńdy sabaqqa arnaý, uıyqtaý. Bizdiń balalar osyndaı tártipke daǵdylanǵan.
— Ómirde neni ózgerter edińiz?
Adamdardyń ózimshildigin, menmendigin.
— Siz úshin ómirdegi eń baǵaly zat?
Allaǵa tabyný.
— Boıyńyzdaǵy ózgermeıtin úsh qasıet
Úlken adamdy tyńdaý, sózin bólmeý. Jasy kishi adamnyń qateligin kórseń, túzetý. Qoǵamǵa paıdańdy tıgizý.
— Balalaryńyz úshin siz kimsiz?
Dıktator.
— Myqty sportshy bolý úshin balanyń boıynda qandaı qasıetter bolýy shart?
Bala bilikti sportshy bolý úshin maqsaty nyq bolsa, jolynda kezdesken qıyndyqtarǵa moıynsynbasa ıgi.
— Siz úshin eń baǵaly dúnıe
SSRO ýaqytyn erekshe jaqsy kórdim, saǵynamyn. SSRO dep jazylǵan fýtbolka – men úshin baǵaly.
— Din jaıly oıyńyz
Din álemge tynyshtyq ákeledi.
— Dinshil adamnyń bir kúni
Túngi 4 jarymda turyp, Allaǵa oıanǵanyńa shúkir etý. Jýyný, sportpen shuǵyldaný. Sóıtip, kúni boıy sergek kúıi josparlardy júzege asyrý.
— Er adamǵa tán eń mańyzdy qasıet
Ózińdi laıyqty ustaý.
— Bos ýaqytyńyzdy qalaı paıdalanasyz?
Meniń bos ýaqytym joq. Sol úshin baqyttymyn. Eki ulym, qyzym bar, nemerelerim bar, men ákemin, atamyn, Reseıdiń qurmetti bapkermin.
Konor - bizge jaý emes
Habıbten jeńilgen Konor jekpe-jekten buryn onyń ákesine «til tıgizip» sóılegen edi. «Qorqaq» dedi alǵashqy bir sózinde.
-
Konor-Habıb jekpe-jegi: UFC beldigi ıesiz qaldy (vıdeo)
-
Salmaq ólsheý rásiminen keıin Konor Habıbti uryp jiberdi (vıdeo)
-
Ǵasyr jekpe-jegi: Konor Makgregor Habıb Nýrmagomedovke spırttik ishimdik usyndy (vıdeo)
«Habıbtiń ákesi – Qadyrovtyń «bir jerine kirip júrgen» jaǵympaz. Onymen sýret salyp «Birge myqtymyz» dep jazyp qoıypty. Qorqynyshtan týǵan jalǵan syılastyq bul», - dep jazdy Konor.
Araǵa 5 kún salyp Konor taǵy sóıledi. Sóılegende búı dedi.
«Abdýlmanap, seniń qandaı ekeniń júzińnen-aq kórinip tur. Betperde kıip alyp, elge ótirik jaltaqtap júrsiń, ortanshy ulyń da sondaı. Qorqaq», - dep jazǵan edi Konor óziniń Instagram-daǵy paraqshasyna. Alaıda buǵan ákesi: «Meniń atymnan bar jaýapty ulym qaıtarady», - dep qysqa qaıyrdy. Sarapshylar muny Konordiń jekpe-jek aldyndaǵy aılasy dep sanady. Óziniń qarsylasynyń namysyna tıip, ashýyn keltirý MakGregordiń ádeti dep eseptedi olar.
Al buǵan qatysty Abdýlmanap «Konor – bizge jaý emes» dedi baısaldy únmen. Aıta keterligi Habıb Nurmaǵamedov te, onyń ákesi de Konordyń talantyn moıyndap, baǵalaıtynyn aıtqan.
Habıb suqbattarynyń birinde "Konordy baǵalaımyn. Ol talantty jigit. Onyń sol qolymen joıqyn soqqy jasaı alady. Alaıda men de osal emespin. Konor muny jaqsy biledi", degen bolatyn.
Al ákesi «Ol – talantty sportshy, qaýipti. Biraq Habıb – odan qaýiptirek. Konor muny biledi. Men qoryqpaımyn, ol qorqady, sol úshin daıyndalyp júr», - dedi tilshilerge bergen suhbatynda.
Ár jaýabynan balanyń tárbıesin nazardan tys qaldyrmaıtyn ákeni baıqaýǵa bolady. Ózin salmaqty, baısaldy ustaıtyn áke balalarynan da sony bek talap etedi. Al shalys ketken balasyn qatań jazalaıdy. Jekpe-jekten keıin janjal shyǵarǵan Habıbtiń ákesin aıtqanda daýysynyń dirildeýi, boıyn úreı alýynyń sebebi de sodan bolar.
