Leslı Stovall atty advokat «Iýventýs» pen Portýgalıa quramasynyń shabýylshysy Krıshtıaný Ronaldý jalǵyz Ketrın Maıorgany zorlamaǵanyn aıtty dep habarlaıdy Qamshy.kz aqparat agenttigi Daily Mail saıtynyń deregin negizge alyp.
«Maǵan tanymal sportshydan zardap shekkenin aıtyp taǵy bir áıel qońyraý shaldy», - deıdi Stovall. Advokat zardap shekken ekinshi áıeldiń atyn aıtpady. Alaıda advokattyń aıtýy boıynsha, zardap shekken áıel fýtbolshydan zorlyq kórgeni týraly Las-Vegas polısıasyna aqparat beretinin aıtqan.
28 qyrkúıekte sheteldik sánbıke Maıorga alǵash ret resmı túrde Ronaldýdy aıyptaǵan bolatyn. Bul oqıǵa 2009 jyly Las-Vegasta bolǵan. Ketrın Maıorganyń aıtýy boıynsha, sportshy keıin oǵan ótemaqy retinde 375 myń dollar tólegen.
Ronaldý bul aıyptaýlardy moıyndamady jáne onymen sottaspaq. Maıorgamen sottasý kezinde fýtbolshy Portýgalıa quramasynyń aldaǵy machterine qatysa almaıdy. Al Ronaldýdyń qazirgi súıiktisi Djordjına Rodrıges tanymal sportshydan syrt aınalmaı, qoldaý bildirgen bolatyn.
