Jambyl oblysy prokýratýrasynyń alqa májilisinde shekteýli azamattardyń quqyqtaryn qorǵaý salasyndaǵy zańdylyqtyń jaı-kúıi talqylandy, dep jazady Qamshy.kz aqparat agenttigi.

Taldaý kórsetkendeı, ýákiletti organdardyń qyzmeti tıisti dárejede uıymdastyrylmaǵan, nátıjesinde múgedekterdiń  quqyqtary  buzylǵan.

Ýákiletti organdardyń  kinásinen 1300-den astam múgedek zań boıynsha tıesili protezdik-ortopedıalyq quraldardy almaǵan, múgedek balalarǵa shıpajaılyq-kýrorttyq em berilmegen.

Densaýlyq saqtaý jáne bilim berý uıymdarynda jumys isteıtin 222 múgedekten eki jyl ishinde 6,5 mln astam tabys salyǵy zańsyz ustalǵan.

T.Rysqulov aýdanynyń Jumyspen qamtý ortalyǵynyń qyzmetkerleri  múgedekterdi áleýmettik  jumys oryndaryna jalǵan jumysqa ornalastyrý jolymen búdjetke 700 myń teńgege shyǵyn keltirgen.

Kináli tulǵalar alaıaqtyq jasaǵany úshin (QK 190-baby 1-bóligimen) qylmystyq jaýapkershilikke tartylyp, zalal qalpyna keltirildi.

Osy aýdanda tórt jyl ishinde eshqandaı jumysty oryndamaǵan múgedekterdiń áleýmettik kómekshisine (1,9 mln.teńge shyǵyn) jalaqy tólendi.

Bul fakti boıynsha senip tapsyrylǵan bóten múlikti ıemdengeni nemese ysyrap etkeni  úshin sotqa deıingi tergeý bastaldy (QK 189-baby 3-bóliginiń 2-tarmaǵy).

Búgingi kúni oblys prokýratýrasynyń  aktileri boıynsha 4mln teńge óteldi. Bul baǵytta jumys jasalýda.