Elimizde týrısik polısıa qurylýy múmkin. QR İshki ister mınıstrligi «týrısik polısıany» qurýdy usyndy. Bul jaıynda Májilistegi Úkimet saǵatynda QR İİM Kóshi-qon qyzmeti komıtetiniń tóraǵasy Murat Qabdenov málim etti.
Onyń aıtýynsha, qazir otandyq mamandar halyqaralyq tájirıbeni zerttep jatyr. Óıtkeni elimizde EHRO 2017 nemese Azıa oıyndary sıaqty aýqymdy sharalar jıi ótedi. Jyl saıyn elimizge arnaıy keletin saıahatshylardyń sany da artyp keledi. Sondyqtan sheteldik azamattarmen jumys jasaıtyn tártip saqshylaryn qalyptastyrý qajettiligi týyndap otyr. Quzyrly komıtet ókilderi qazir Mádenıet jáne sport mınıstrligimen birige otyryp, týrızm salasyn damytýdyń baǵdarlamasyn ázirleýde. Onyń ishinde týrısik polısıa qurý máselesi de bar.
«Qazir týrısik salany qoldaý boıynsha memlekettik baǵdarlamany ázirleý jóninde Mádenıet jáne sport mınıstrligimen tyǵyz baılanysta jumys istep jatyrmyz. Osy oraıda bolashaqta «týrısik polısıany» qurý baǵyty taqylanýda. Olar týrısermen tikeleı jumys isteıdi. Bul turǵyda tıisti qyzmetter eskerilmek. Atap aıqanda, búginde halyqaralyq tájirıbeni zerdeleýdemiz», - dedi M. Qabdenov.
Eń aldymen depýtat Irına Smırnova İİM-ge quqyq qorǵaý organdary qyzmetkerleri týraly týrıser arasynda jaǵymsyz pikir qalyptasqany týraly saýalyn joldady.
«Árıne, týrızmdi damytý úshin kóp másele sheshimin tabýy tıis. Syrttan keletin týrıser úshin áýejaı men vokzalǵa kelip túskennen, eline ketkenge deıinginiń bári mańyzdy. Quqyq qorǵaý qurylymynyń qyzmetine qatysty týrıser ushyraıtyn kedergiler týraly jaǵymsyz pikirlerge jıi kýá bolamyz. Bul másele ózara qatynas pen túsinistikke baılanysty bolyp otyr. İİM quqyq qorgaý organdary qyzmetkerleriniń mádenıetin, etıkasy men stılin qalyptastyrýda qandaı sharalar qabyldap jatyr?» - dep surady depýtat İİM ókilinen.
Sonymen qatar depýtattar tarapynan keletin týrıserge qatysty quqyqqorǵaý organdary qyzmetkerleriniń ádebi men mádenıeti boıynsha kóterilip júrgen synı pikirler týraly suraq qoıyldy.
«Quqyqqorǵaý qurylymdarynyń qyzmeti týraly keıbir teris pikirlerge toqtalyp óteıin. Shynymen de, osyndaı jaǵdaılar oryn alǵan, alaıda ol jappaı sıpatqa ıe emes. Polıseıler jol bergen jekeleı buzýshylyqtar boıynsha Ózindik qaýipsizdik departamenti qyzmettik tekserý júrgizedi. Bul rette qyzmetkerler tártiptik jaýapkershilikke tartylady. Negizinen, teris pikirlerge qaraǵanda, qyzmetkerlerdiń qyzmetine qatysty oń kózqarastyń úlesi basym», - dedi Murat Qabdenov.
İİM kóshi-qon qyzmeti komıtetiniń tóraǵasy Murat Qabdenov polıseılerdiń jumysyna qatysty jekelegen jaǵymsyz pikirler baryn moıyndady.
«Quqyq qorǵaý qurylymynyń qyzmeti týraly jaǵymsyz pikirlerge qatysty aıtar bolsaq, ıá, mundaı jaǵdaılar bolýy múmkin. Biraq bul jappaı sıpat alyp otyr deýge kelmeıdi. Polıseıler jiberetin buzýshylyqtarǵa qatysty İİM, sonyń ishinde jeke qaýipsizdik departamenti qyzmettik tergeý júrgizip jatyr. Soǵan sáıkes qyzmetkerler tártiptik jaýapkershilikke tartylady», - dedi ol.
Murat Qabdenov týrısermen tikeleı jumys isteıtin arnaıy polısıa qyzmetin qurý bastamasy zerdelenip jatqanyn atap ótti.
«Jaǵymsyz pikirlerge qaraǵanda jaqsy pikirler kóp. EKSPO-2017 halyqaralyq kórmesi men Almatydaǵy Azıa oıyndary sekildi sharalar polısıanyń shetel azamattaryna jetkilikti járejede qyzmet kórsetetinin dáleldedi. Búginde Memleket basshysynyń quqyq qorǵaý júıesin jańǵyrtý aıasyndaǵy tapsyrmasy boıynsha úlken jumys atqarylyp jatyr. Ortalyq komýnıkasıalar qyzmetinde İshki ister mınıstri esep bergende ishki ister organdaryndaǵy kadrlardy irikteý júıesi tolyqtaı qaıta qaralatynyn aıtty. Qazir biz týrızm salasyn qoldaý memlekettik baǵdarlamasyna sáıkes Mádenıet jáne sport mınıstrligimen tyǵyz jumys istep jatyrmyz. Birqatar máselelerdi aıttyq. Sonyń biri – týrısermen tikeleı jumys isteıtin týrısik polısıany qurý. Onda belgilengen fýnksıalary bar. Qazir halyqaralyq tájirıbeni zerttep jatrmyz», - dedi ol.
Mádenıet jáne sport mınıstri Arystanbek Muhamedıuly týrızmdi damytý úshin týrısik polısıa qyzmetin qurý qajet bolyp otyrǵanyn, bul bastamany qoldaıtynyn aıtty.
