Tilderdi damytý men qoldanýdyń 2017-2019 jyldarǵa arnalǵan oblystyq is-sharalar jospary sheńberinde jáne Qazaqstan halqy tilderiniń XİH respýblıkalyq festıvali aıasynda Pavlodar oblysynyń tilderdi damytý jónindegi basqarmasynyń uıymdastyrýymen 22 tamyz - 22 qyrkúıek aralyǵy «Tilder aılyǵy» bolyp jarıalandy.
Bul týraly tilderdi damytý jónindegi basqarmasy monıtorıń jáne taldaý bóliminiń basshysy Qymbat Sákenova habarlady.
«Tilder aılyǵy resmı túrde aǵymdaǵy jyldyń 22 tamyzynda bastaldy. Memleket basshysynyń «Bolashaqqa baǵdar: rýhanı jańǵyrý» maqalasyndaǵy «Týǵan jer» baǵdarlamasy negizinde ulttyq rýhymyzdy máńgi este saqtaý maqsatynda jyr-dastandarmen jáne Abaıdyń qara sózderin naqyshyna keltirip jatqa oqıtyn D. Asenovtiń «Men Abaıdy oqımyn!» atty aǵartýshylyq-poezıalyq keshimen ashyldy. Atalǵan sharaǵa «Ardagerler úıi» oblystyq ortalyǵy, «Zamandas» ardagerler klýby jáne «Qazaq tili» qoǵamynyń músheleri qatysty», - deıdi Qymbat Sákenova.
Jalpy aılyq sheńberinde oblys qala, aýdandarynda 200-den astam is-shara uıymdastyrylatyn bolady. Onyń ishinde kórkemsóz oqý sheberleriniń oblystyq baıqaýy, «Tildaryn» olımpıadasy, «Memlekettik tilde eń úzdik qyzmet kórsetý» jáne «Alash arystary» jas aqyndar músháırasy jáne taǵy basqalary. Tilder aılyǵy 2017 jylǵy 22 qyrkúıekte «Til - dostyq quraly» atty konserttik baǵdarlamamen aıaqtalady.
№ 15 mektepte "Tilder aılyǵy" jalǵasýda. Qazaq tili muǵalimderi: G.Á.Ýálıhanova jáne R.M.Sharbaqbaeva búgin, 5 qyrkúıek 7-10 synyptarǵa Ahmet Baıtursynovtyń týǵan kúnine baılanysty "Sóz óneri" mánerlep oqý saıysy ótti. Oqýshylyr belsendi qatysyp, Ahmet Baıtursynovtyń óleńderin oqydy.
