2018 jyldyń 18 qazanynan bastap otandyq prokatqa adam men búrkittiń dostyǵy týraly baıandaıtyn tolyqmetrli anımasıalyq fılm shyǵady. Fılmdi QR Mádenıet jáne sport mınıstrliginiń tapsyrysy boıynsha «Qazaqfılm» kınostýdıasy óndirgen. Qyzyqty oqıǵaǵa tolyq atalǵan fılmniń rejıserleri Turdybek Maıdan men Tilek Tóleýǵazy.

Fılmge adam balasynyń búrkitti qolǵa úıretýi arqaý bolǵan. Oqıǵa jelisi boıynsha adam men qus bir-birine senim bildire otyryp, baýyr basady. Sonymen qatar, fılmde qazaqtyń saıatshylyq dástúri de sýretteledi.

«Qazaqtar bes jasar búrkitti Muzbalaq dep ataıdy. Bul fılmmen avtorlar búrkitter jáne olarmen ańǵa shyǵý saltyn kórsetýdi kózdegen. Fılm qazaq tilinde jasalyp, orys tiline dýblájdalǵan. Kınoteatrlarǵa fılm eki tilde shyǵatyn bolady», - dedi «Qazaqfılmniń» baspasóz qyzmetiniń jetekshisi Aınur Isaeva.

• «Qazaqfılm» anımasıalyq «Muzbalaq» múltfılmniń treılerin jarıalady

Eki jyl kóleminde jasalǵan bul fılmde 40-qa jýyq kınematografıanyń osy janrynda eńbek etip júrgen otandyq mamandar istegen.  Uzaqtyǵy 65 mınýt quraıtyn múltfılm 2D jáne 3D formatynda jasalǵan jáne ár sekýndynda 24-25 kadr sýret salynǵan. Keıipkerlerdi dybystaýǵa Erjan Jarylqasynuly, Janat Tynybaev, Samat Qordabaı, Tólebaev Erǵalı Dúısenuly, Alma Ádilqyzy esimdi teatr jáne kıno akterleri qatysqan.

• Sońǵy eki jylda anımasıalyq fılmdi jasaý baǵytynda úlken jetistikterge jettik

Anotasıa:

Erte zamanda adamdar kesirinen jer astyndaǵy aıdaharǵa aınalap kele jatqan abjylan oıanyp, jer betine shyǵyp, mańaıyn jalmap, qazaq aýylyna úlken apat ákelip, úreı týǵyzady. Ol aýyldy otqa orap, qarsy kelgendi jalmap kele jatqanda, bir qyran búrkit balapanyn qorǵap, onymen aıqasady. Aqyry abjylan qaıta jer astyna qashyp joq bolady. Al qyran otqa oranǵan uıadan balapanyn alyp, alysqa ushyp ketedi. Adam jutyp dánikken abjylan kún tutylyp, óziniń aıdaharǵa aınalar sátin asyǵa kútedi...