Aqtaýda ótken oblys aktıviniń jınalysy kezinde halyqtyń ómir súrý sapasyn arttyrý máselesi talqylandy.
Jıyn barysynda oblys ákimi Eraly Toǵjanov Elbasy Nursultan Nazarbaevtyń "Qazaqstandyqtardyń ál-aýqatynyń ósýi: tabys pen turmys sapasyn arttyrý» atty joldaýynda aıtylǵan maqsattar men mindetterge qol jetkizý barysynda atqarylatyn jumystar týraly baıandady.
Mektepke deıingi bilim berý sapasyn jaqsartý máselesine kelgende, Mańǵystaýda 3 jastan 6 jasqa deıingi balalardy mektepke deıingi bilimmen qamtý 93,7% ( 2017 jyly 93,1%) quraıdy. Jyl basynan 919 oryndyq 10 balabaqsha paıdalanýǵa berildi. Jyl sońyna deıin taǵy 23 nysan paıdalanýǵa beriledi. Nátıjesinde kórsetkish 97,1% - ǵa jetedi.
Medısınalyq qyzmet kórsetý sapasyn arttyrý máselesin sheshý úshin óńirde 1219 medısına qyzmetkeri jalaqyǵa ústemaqy alady. Sonymen qatar, medısına salasyn sıfrlandyrýǵa erekshe kóńil bólinýde. Eń aldymen, barlyq medısınalyq uıymdar 2019 jyldyń 1 qańtarynan bastap qaǵazsyz qujat aınalymyna kóshýi tıis. Ekinshi mindet - 2020 jylǵa deıin oblystyń barlyq turǵyndary úshin elektrondyq densaýlyq tólqujatyn ázirleý.
Búginde Mańǵystaý halqynyń buqaralyq sport túrlerimen jáne dene belsendiligimen qamtylýy 29,6% - dy quraıdy, bul sońǵy 3 jylmen salystyrǵanda 8 esege kóp.
"Memleket basshysynyń tapsyrmasyna sáıkes biz aımaqtyq deńgeıde rezervter taýyp, oblys turǵyndary úshin sportty qoljetimdi etýge tıispiz. Sondaı-aq, sońǵy jylda 20-dan astam sport alańy men 11 iri sport nysany jeke ınvestorlar esebinen salyndy. Bıyl Aqtaý qalasynda muz aıdynynyń, Boks ortalyǵynyń, Beıneý, Mańǵystaý jáne Senek aýyldarynda sport keshenderiniń qurylysy bastaldy. Bıylǵy jyly Mańǵystaýda fýtboldy damytý maqsatynda jańa fýtbol alańy salynyp, Munaıshy stadıony qaıta jóndeýden ótti", - dedi óńir basshysy Eraly Toǵjanov. Ómir súrýdiń qolaıly ortasyn qurý máselesi boıynsha Prezıdent halyqqa Joldaýynda óńirlik jáne qalalyq ınfraqurylymdy damytýǵa erekshe nazar aýdardy. Osylaısha, jyl sońyna qaraı Mańǵystaý aýyldyq eldi mekenderiniń 69% - y nemese aýyl halqynyń 89% - y ortalyqtandyrylǵan aýyz sýmen qamtamasyz etiledi. Qazirgi ýaqytta aýdanaralyq joldardyń kópshiliginiń jaǵdaıy jaqsy, sondyqtan aýylishilik joldardyń qurylysyna qarajat bólinetin bolady. Mańǵystaýda 1 qańtardan bastap memlekettik qyzmetkerlerdiń jalaqysyn 2-2, 5 ese arttyrý boıynsha pılottyq joba engizildi. Jobany iske asyrýdyń 8 aıynda memlekettik qyzmetke túsýge nıet bildirýshiler sany 1 orynǵa 2-den 16 adamǵa deıin artty, usynylǵan joǵary sapaly memlekettik qyzmetter sany 3 esege artty, Memlekettik qyzmetterdi alýǵa halyqtyń shaǵymdary 4 esege qysqardy. Sondaı-aq ońtaılandyrý esebinen memlekettik qyzmetshilerdiń sany 84 birlikke, al basqarý kadrlarynyń sany 24 birlikke qysqardy. Elbasy Joldaýyn iske asyrýdyń basqa da aspektilerin qoldaný týraly oılarymen qoǵam belsendileri bólisti.Týrısik klasterdiń ókili demalys bazasynyń dırektory Ulbolsyn Ahmetova óńirde Memleket Basshysynyń tapsyrmalary oryndalyp jatqanyn atap ótti: "Bıylǵy jazda Mańǵystaýǵa sapary kezinde, Prezıdent Aqtaý qalasy Túrik Antalıasynyń analogy bolýy tıis degen tapsyrma berdi. Bir aı ǵana ýaqyt ótti. Búginde Úkimet deńgeıinde "Kaspıı teńizi jaǵalaýyndaǵy teńiz kýrortyn damytý jónindegi jol kartasy" qabyldandy, onyń negizgi baǵyty Aqtaý qalasynan Quryq kentine deıingi jaǵajaı aımaǵynyń ınjenerlik ınfraqurylymyn salý bolyp tabylady. Ákimdik óz kezeginde sý jáne elektr jelilerimen jabdyqtaý úshin jobalyq qujattamany daıyndaýǵa kirisken jáne 2019 jyly is-sharalardy is júzinde júzege asyrýǵa kirisýge ýáde bergen bolatyn".
"Bank Sentr Kredıt" bankiniń Aqtaý fılıalynyń dırektory Dılshod Orazymetov Mańǵystaý oblysynda "7-20-25" ıpotekalyq turǵyn úı nesıelendirýdiń memlekettik baǵdarlamasynyń iske asyrylý barysy týraly aıtyp berdi: "7/20/25 baǵdarlamasyn iske asyrý boıynsha oblystar arasynda, Mańǵystaý oblysy satylǵan páterlerdiń kólemi men sany boıynsha úshinshi orynda tur. 7/20/25 baǵdarlamasy bastalǵaly SentrKredıtBankiniń Mańǵystaý oblystyq fılıaly 1,4 mlrd. teńgeden astam somaǵa 140-tan astam qaryz berdi" dedi.
