Óz tusynda kesek minez, ór aǵa,

Ótti ómirden sherli júrek Sher aǵa!

Bir perzentin qoınyna alaryn bilip,

Kúńirenip teńselgendeı Jer-Ana!

Ajal – serik bolsa daǵy kóneden,

Aýyr edi, azapty edi ne degen!

Al ultyna: «Baqul bol!» dep aıtýdan

Basqa laj joq, sharasyzdyq ne degen!

Qaı kezde de joly aýyr ǵoı qazanyń,

«Óldi!» degen sózdi qalaı jazamyn?..

Bel sheshpegen bul kúreste Ulty úshin,

Bir perzentin joǵaltty ma, Qazaǵym?

Myqtylaordyń ózimenen tiresken,

Umytylmas ol kúnderdiń biri esten...

Qazaǵynyń Tili menen Jeri úshin

Bul Sher aǵań bir adamdaı kúresken!

Ult basynan nebir jaılar ótipti,

Arman qaıda?.. Oǵan kimder jetipti?

Mine, osyndaı sherli, muńdy Sher aǵa

Aýyr shyndyq – bul Jalǵannan ótipti!

Óz tusynda kesek minez, ór aǵa,

Ótti ómirden sherli júrek Sher aǵa!

Bir perzentin qoınyna alaryn bilip,

Kúńirenip teńselgendeı Jer-Ana!..

Jumash Kenebaı,

10.09.2018 jyl