10 qazan kúni Túrkistan qalasynda «Arys jaǵasynda» retro-festıvali ótýi tıis bolatyn. Qazaqstannyń Halyq jazýshysy, qoǵam qaıratkeri Sherhan Murtazanyń qaıtys bolýyna baılanysty bul konsert keıinge shegerildi dep habarlaıdy Qamshy.kz aqparat agenttigi.
Bıyl toǵyzynshy ret qolǵa alynǵan óner merekesi Túrkistanda tuńǵysh ret ótkeli turǵan. Elimizdiń ár óńirinen kelgen belgili óner juldyzdary men ujymdary, túsirilim toptary da konsertke daıyn edi. Ult qaıratkeriniń qazasyna baılanysty Túrkistan oblysynyń ákimi Janseıit Túımebaev osyndaı sheshim qabyldady.
"Túrkistan qalasynyń turǵyndary men qonaqtardan, ónerpazdardan túsinistik tanytýlaryn suranamyz. Retro-festıvaldiń qashan ótetini týraly aldyn ala habarlanady" dep jazady Túrkistan oblysy ákiminiń baspasóz qyzmeti.
