Kem dúnıe kýási...

    Zhazira Baidaly
    Kem dúnıe kýási...

    ...Shyrt uıqynyń tańynda,

    Shyrpy jaqtyń jalynǵa...

    Beıneń qaldy kólbeńdep,

    Myńbulaqtyń shańynda...

     

    Uran qurǵan – poshymy,

    Qyran qylǵan – totyny...

    Qosh bol, qımas qaısarym,

    Murtazanyń ot uly!

     

    Úzilgendeı julynym,

    Shyryldady shyn únim...

    Shyndyq taýyn órt shaldy,

    Qosh bol, meniń Shymyrym!

     

    Qaırat-kúshin týlatyp,

    «Sherhandaı ul tý, qatyn!»

    Aqıqat-shyń sý basty,

    Qosh bol, meniń Dýlatym!

     

    Tálkek taǵdyr taramys,

    Ádil asý – áli alys...

    Muztaý qaq-qaq jaryldy,

    Qosh bol, abzal Aq Arys!

     

    Tartqan teksiz azabyn,

    Kókiregi – taza muń...

    Júregi qars aıyrylǵan,

    Qosh bol, meniń Qazaǵym!

     

    Támámdaldy – talasyń,

    Taramdaldy – dara shyń...

    Janyn namys órtegen,

    Qosh bol, meniń Alashym!

     

    Arman qusyn ushyrǵan,

    Nur Mekkeniń tusynan...

    Qulaqkesti Haq quly,

    Qosh bol, dindes musylman!

     

    Naǵyz erkek, er adam,

    Erligi – elge taraǵan...

    Eren – eki týmaıdy,

    Qosh bol, meniń Sher-aǵam!

     

    «Dostarymdy – beldi etem,

    Dushpanymdy – terletem...»

    Dep kúlkisin umytqan,

    Qosh bol, meniń Sher-kókem!

     

    Alataıdaı... – ala tań,

    Jer tarpydy nar-atan...

    Peıishke de – pań kerek,

    Qosh bol, meniń Sher-atam!

     

    ...Shytynady «shatyrym»,

    Tuqyrady taqymym...

    Paraqtaı ma, Ábaǵam,

    «Ańyzynyń aqyryn»...

     

    Kem dúnıe – tóri osy,

    Qaqyrady kóbesi...

    Kórine me, jan aǵa,

    Oralhannyń tóbesi?..

     

    Sensiz qazaq shýlasyp,

    Qalar ma eken jýasyp...

    Bir kem jetpes... – Dúr Kisi...

    Kem dúnıe Kýási!

     

    Myńjan Baıjanın

    Qatysty Maqalalar

    JAŃA KİTAPTYŃ TUSAÝY KESİLDİ

    JAŃA KİTAPTYŃ TUSAÝY KESİLDİ

    10:56, 05 qarasha 2026
    Dáýir bıiginen estilgen jyrlar

    Dáýir bıiginen estilgen jyrlar

    22:02, 19 tamyz 2026
    Mahambet-Maǵjan ólmepti!

    Mahambet-Maǵjan ólmepti!

    14:19, 10 aqpan 2026