Májilis depýtattary ultaralyq arazdyqty nasıhattaıtyn keıbir áleýmettik jelilerdegi toptardy jabýdy usyndy. Bul týraly "Qamshy" portaly "Radıotochkaǵa" silteme jasaı otyryp habarlaıdy.
Búgin QR Májilis depýtattary qazaqstandyq áleýmettik jelilerde ashyqtan-ashyq ultarylyq arazdyqty qozdyratyn, provakasıalyq maqalalar jarıalanatyn, eldiń terıtorıalyq tutastyǵyna nuqsan keltirýdi kózdeıtin, memleketarylyq jáne ulttar arasynda janjal týdyratyn materıaldary bar toptarǵa alańdaýshylyq bildirdi.
Osyndaı toptardyń biri mektep oqýshylary arasynda keń tanymal "Vkontakte" áleýmettik jelisinde "Soltústik Qazaqstan - bul orystardyń jeri" atpen jarıalanǵan.
- Mundaı toptardy qurýshylardyń maqsaty - Qazaqstandaǵy tynyshty buzýǵa baǵyttalǵan. Ádette, mundaı toptardy mektep oqýshylarynyń nazaryn aýdartý úshin jasaıtyn. Alaıda, joǵarydaǵy atap kórsetilgen topta eldegi jaǵdaıǵa dıstabılızasıa jasaý úshin baǵyttalyp otyr. Qandaı jaǵdaı bolmasyn, quzyrly organ qyzmetkerleri topty qatań qadaǵalaýǵa alyp, tıisti adamdar zań aldynda jaýap berý kerek,-dep esepteıdi depýtat Aıqyn Qońyrov myrza.
Al májilismen Almas Turtaev bolsa, mundaı qadamǵa tek bilimi taıaz adamdar ǵana barady dep esepteıdi eken.
"Bul anyq - provakasıa. Bizdiń elde de, kórshiles Reseıde de aqyl-parasaty taıaz adamdar kóp ekeni ras. Buǵan asa bir nazar aýdarýdyń qajeti shamaly. Al mundaı provakasıalyq toptar bizdiń elder arasyndaǵy yntymaqty buza almaıdy. Al quqyq qorǵaý oryndary mundaı toptardy baqylaýǵa alyp, jabý kerek",-deıdi Almas Turtaev.
Sondaı-aq, Táńirbergen Berdiońǵarov bolsa, "quqyq qorǵaý oryndary aqparat taratýshy saıttar men áleýmettik jelilerde arnaıy monıtorıń júrgizý kerek. Eger QR Konstıtýsıasy talaptaryna saı kelmeıtin toptar men jelilerdi jaýyp, qatań qadaǵalaýǵa alý kerek",dep esepteıdi.
Al Serik Ospanov "men bundaı ulttar arasynda arazdyqty qozdyratyn, memlekettiń terıtorıalyq tutastyǵyna nuqsan keltirýdi maqsat tutqan toptardyń ashyqtan-ashyq jumys jasap jatqanyna quzyrly organdaǵylardyń beı-jaı qarap otyrǵanyna tań qalamyn", deıdi. Tipti, Ospanov myrza quqyq qorǵaý organyndaǵylar bul isti aıaǵyna shyǵarmaıynsha men tikeleı qadaǵalaıtyn bolamyn dep ýáde bergen.
Nurzat Toǵjan
