Ataly sóz aıtpasań, Danalyǵyń qadyrsyz. Bataly sóz aıtpasań, Daralyǵyń qadyrsyz.   Meıirlenip aıtpasań, Ákeligiń qadyrsyz. Peıildenip aıtpasań, Jákeligiń qadyrsyz.   Emirentip aıtpasań, Eneligiń qadyrsyz. Eljiretip aıtpasań, Tóreligiń qadyrsyz.   Súıindirip aıtpasań, Sheshendigiń qadyrsyz. Kúıindirip aıtpasań, Kósemdigiń qadyrsyz.   Badyraıtyp aıtpasań Batyrlyǵyń qadyrsyz. Aqıqatyn aıtpasań, Aqyndyǵyń qadyrsyz.   Dálelimen aıtpasań, Ǵalymdyǵyń qadyrsyz. Mánerimen aıtpasań, Hanymdyǵyń qadyrsyz.   Byldyr - byldyr aıtpasań, Balalyǵyń qadyrsyz. Qyzyǵyna batpasań, Analyǵyń qadyrsyz.   Ádildigin aıtpasań, Adaldyǵyń qadyrsyz. Ar - uıattan attasań, Adamdyǵyń qadyrsyz.    

  Birde anany maqtaısyń, Birde turyp dattaısyń, Bal tamyzyp tilińnen, İshińe ý saqtaısyń.   Birde kúlip aldaısyń, Birde jylap qarǵaısyń, Aljastyryp adamdy, Abjylandaı arbaısyń.   Birde saırap shyndyqty, Birde saılap sumdyqty, Qý túlkideı qubylyp, Qaıdan taptyń qýlyqty ?   Birde anaýmen shabysyp, Birde tatý tabysyp, Kúniń ótip keledi-aý, Ǵumyr boıy alysyp.   Eki kóziń alaqtap, Eki ezýiń jalaqtap, Jer túbinen jetesiń, Jemtik kórseń dalaqtap.   Kóre qalsań qarasyn, Salyp uryp barasyń, Dıýdy da duǵalap, Nápáqańdy alasyń.   Saıqaldy da aldaısyń, Saıtandy da arbaısyń, Qunyqtyrǵan qý nápsi, Búıteberseń  túbinde, Ońbaısyń-aý,  ońbaısyń !    

  Qáperge alyp saspaǵan, Qaıyrly qadam baspaǵan, Anany kórdik tasbaýyr, Qaǵynan jerip tastaǵan.   Qyrshańqy maldaı qashaǵan, Qylyǵyn taýyp tasadan, Ákeni kórdik opasyz, Otbasyn oıran jasaǵan.   Beresiń qalaı baǵasyn, Tozdyryp týǵan anasyn, Balany kórdik shıkiókpe, Ákeniń alǵan jaǵasyn.   Zamana qalaı aljasqan, Jamandyq qaıdan jarmasqan ? Atany kórdik ar ketip, Kelnimen kúnde salǵasqan.   Qyrǵıdaı tıip qyrqysqan, Qyrmyzy betti jyrtysqan, Eneni kórdik kertaqys, Taramystaıyn tyrtysqan.   Ańdysyp ishteı arbasqan, Ant sý iship aldasqan, Pendeni kórdik turaqsyz, Adaldyq aryn shań basqan.   Kólgirsip kózge maqtaǵan, Kópirme sózben ottaǵan! Dostyda kórdik ekijúz, Esebin ishke saqtaǵan.   As berse quıyp peıilsiz, İsińe kelse beıimsiz, Týǵandy kórdik týysqa, Týbastan týǵan meıirsiz.   Bárinde kórgen myna bas, Birege múmkún unamas. Sizderge qaıdam, maǵan shyn. Aıtpasam arym shydamas!    

  Jerińdi qorǵamasań namys. Erińdi qoldamasań namys. Jan alyp - jan berisken jaǵalasta, Jaýyńdy qorǵalasań namys.   Otandy súımegeniń namys. Otanǵa kúımegeniń namys. Azǵyndap aqylyńnan aqymaǵym, Rýhyńnan kúıregeniń namys.   Tilińdi bilmegeniń namys. Dinińmen júrmegeniń namys. Ulqtar uly bolsań, ultyńdy Kózińe ilmegeniń namys.   Elińe ermegeniń namys. Peıilińdi bermegeniń namys. Torǵaıdaı toz -toz bolyp uıasy joq, OTANǴA  kelmegeniń namys    

  Bererim berip halyqqa, Tańbamdy basyp tarıhqa, Jem bolyp ketsem arman joq, Teńizge batyp balyqqa.   Esemdi qosyp elime, Eńbegim sińip jerime, Kiripte ketsem arman joq, Qarańǵy qapas kórime.     Aıtarymdy aıtyp qazaqqa, Aınalyp iri ǵajapqa, Túsip te ketsem arman joq, Aqiret kúni tozaqqa.   Maıdanda berik nyq turyp, Naıynsaptardy yqtyryp, Adaldyǵymdy arman joq, Jurtyma ketsem uqtyryp.

Sh. Qalıuly 02.04.2015