11 qazan kúni Baıqońyr aılaǵynan ushyrylǵan "Soıýz" ǵarysh kemesinen aqaý shyqty dep habarlaıdy Qamshy.kz aqparat agenttigi.  "Roskosmostyń" málimetine súıensek, kemede tótenshe jaǵdaı oryn alǵan.

Baıqońyrda zymyran ushyrý kezinde apat bolǵan "Soıýz MS-10" zymyran-tasyǵyshynyń ekıpajyn izdeý maqsatynda Jezqazǵan, Baıqońyr jáne Qaraǵandy aerodromdarynan Mı-8 tikushaqtary ushyp shyqty.

Reseılik ria.ru saıtynyń deregine súıensek, ǵarysh kemesi ushyrylǵan soń zymyran tasyǵyshtyń dvıgatelinen aqaý shyǵypty. Ekıpaj otyrǵan kapsýla odan ajyrap, "balıstıkalyq tómen baǵyt alý rejımimen" Jerge qaıta bet alǵan. Al ekıpaj Jezqazǵannan 25 shaqyrym jerge qonyp, 15 mınýttan soń olarǵa qutqarýshylar men dárigerler jetken. Ekıpaj músheleri aman, eshqandaı jaraqat almaǵan. Ekıpaj qonǵan aımaqqa "Roskosmostyń" bas dırektory Dmıtrıı Rogozın de ushyp ketken.

“Keme ekıpajyndaǵy adamdar tiri ári baılanysqa shyqty. Qutqarýshylar Alekseı Ovchının men Nık Heıgti izdep, evakýasıalaý úshin bara jatyr” dep málimdeme jasady.