«Avtobýs» jedel-profılaktıkalyq sharasy barysynda 2 kúnniń ishinde polıseıler jolaýshylar avtobýsynyń júrgizýshileri jibergen jol qozǵalysy erejesin buzǵan 224 faktini anyqtady, dep habarlaıdy Qamshy.kz aqparat agenttigi Astana ákimdiginiń baspasóz qyzmetine silteme jasap.

Onyń 38 faktisi – qorshaǵan ortany lastaý (paıdalanylǵan gaz) jáne shý deńgeıi. Sondaı-aq jaıaý júrginshiler jolynda jol bermeı ótip ketken 2 fakti men rúlde kele jatyp telefonmen sóılesken 17 oqıǵa anyqtaldy.

Astana İİD baspasóz qyzmeti aıtqandaı, «Avtobýs» jedel-aldyn alý sharasy astana tóńireginde 9-13 qazan aralyǵynda apattyń bolýyn tómendetý maqsatynda júrgizýshilerdiń jolaýshylar men júkterdi tasymaldaý erejesin baqylaýdy kúsheıtý úshin ótkizdi.

JPSH ótkizý kezeńinde jolaýshylar avtotransportynyń júrgizýshileri tarapynan JQE qatań buzǵandardyń jolyn kesý jáne anyqtaý boıynsha reıdtik sharalar ótkizilýde. Sondaı-aq avtobýstardyń tehnıkalyq jaǵdaıy, normatıv pen standart talaptary buzylǵan avtobýsty paıdalaný jáne basqarý faktileri anyqtalýda, júrgizýshilerdiń eńbek jáne demalys rejımi men jolaýshylardy tasymaldaýdaǵy bekitilgen normalardy saqtaýy da tekserildi. Buǵan qosa, polısıa qyzmetkerleri qalalyq avtobýstardyń tehnıkalyq jaǵdaıy men júrgizýshilerdiń jol qozǵalysy erejesin saqtaǵanyna da kóńil bólip baqylady.

Búginde sharaǵa baqylaý úshin ákimshilik polısıa jáne jergilikti polısıa qyzmetkerlerinen, Astana boıynsha kólik baqylaý ınspeksıasy, memlekettik kirister departamenti men qoǵam múshelerinen quralǵan 10 top jumyldyryldy.