QazUÝ-da «Bolashaqqa baǵdar: rýhanı jańǵyrý» baǵdarlamasy aıasynda Mysyrdaǵy Qazaqstan elshiligi men ál-Farabı atyndaǵy Qazaq ulttyq ýnıversıtetiniń uıymdastyrýymen halyqaralyq mektep ótti. Memleket basshysynyń Qazaqstandy álemge tanystyrý tapsyrmasyn negizge alǵan bul sharaǵa Mysyr Arab respýblıkasynan kelgen dellegasıada 27 adam, onyń ishinde 12-si kásibı jýrnalıs jáne mysyrlyq eń úzdik 15 stýdent bar.
Halyqaralyq mektep barysynda sheteldik qonaqtarǵa túrli ekskýrsıalar uıymdastyryldy. Jetisýdyń eń tanymal týrısik jerleri sanalatyn Sharyn shatqaly men Úlken Almaty kólin tamashalap, Almaarasanǵa bardy. Kóne tarıhtan syr shertetin tarıhı murajaılarǵa saparlar júrgizildi. Mysyrdan kelgen dellegasıaǵa qazaq tarıhynan, mádenıeti men salt-dástúrinen, ádebıetinen dárister oqyldy. Sondaı-aq, shara aıasynda mysyrlyqtarǵa Almatynyń kórikti jerleri tanystyryldy..
Arnaıy ekskýrsıadan keıin sheteldik qonaqtarmen birge jýrnalısıka fakúltetinde qazaq-arab jýrnalısıkasynyń ózekti máselelerin talqylaýǵa arnalǵan qorytyndy dóńgelek ústel ótti. Jıynǵa elimizdiń birqatar buqaralyq aqparat quraldarynyń ókilderi men Mysyr Arab respýblıkasynyń baspasóz jýrnalıseri men stýdentteri qatysty. Dóńgelek ústelde jýrnalısıkaǵa da jańashyldyq kerektigi, alaıda jańashyldyq dep, ótken nárseni umyt qaldyrý emes, keshegi men búgingini sabaqtastyrý, kemshilikterdi tolyqtyryp, barynsha oqyrman úshin jumys isteý, eńbektený qajet degen oılar aıtyldy. Qazaq-arab jýrnalıseriniń bas qosýynda osy jáne ózge de máseleler talqyǵa tústi. Alǵashqylardyń biri bolyp sóz alǵan QazUÝ jýrnalısıka fakúltetiniń dekany Saǵatbek Medeýbekuly jýrnalısıka salasyndaǵy halyqaralyq yntymaqtastyqtyń mańyzyna toqtaldy. «QazUÝ-dyń álemniń áıgili 800 ýnıversıtetiniń ishinde 220 oryn alǵandaǵy basty sebepteriniń biri halyqaralyq baılanys ornatý. Aı saıyn sheteldik qonaqtar kelip, ýnıversıtetpen tanysýynyń ar jaǵynda osy sizder oqyp, biz eńbek etip jatqan ýnıversıtetimizdiń bedeli tur. Búgin sondaı dástúrdiń sabaqtastyǵy bizdi Mysyr eliniń jýrnalıserimen baılanystyryp jatyr. Osy on kúnge jýyq ýaqyt ishinde, Mysyr elinen kelgen delegasıa ýnıversıtetimizdiń bolmysymen tanysyp, erekshelikterin bilip, sheberlik sabaqtaryn ótkizdi. Al búgin qazaqstandyq jýrnalısermen, jýrnalısıka fakúltetiniń ustazdary jáne stýdentterimen arnaıy júzdesý úshin kelip otyr», - dedi jýrnalısıka fakúltetiniń dekany.
Bul sapar mysyrlyq jýrnalıserdiń Qazaqstanǵa birinshi ret kelýi eken. Olar bul saparda Qazaqstandaǵy áripteserimen, jumys júıesimen tanysýdy, bilim berý salasyndaǵy jańalyqtardy kórip qaıtýdy ózderine maqsat etken. Ári osy salada joldaǵan suraqtary da kóp boldy. Óz sózderinde qazaq eliniń qonaqjaılyǵyn da tilge tıek etti.
Qazaqstandy tanyp-bilgen Mysyrdan kelgen qonaqtar áserlerin, qazaq eli jaıly aqparattaryn óz elderindegi BAQ-ta jarıalaýdy josparlap otyr. Atalǵan delegasıa quramynda, Mysyrdaǵy eń tanymal «Ál-Jýmhýrıanyń» gazetiniń beldi jýrnalıseri boldy. Bul basylymnyń quramyna tórt gazet kiredi, onyń ekeýi arabsha, qalǵandary fransýz jáne aǵylshyn tilinde habar taratady. Gazettiń negizi 1956 jyly qalanǵan. Onyń alǵashqy sanyn shyǵarǵan Mysyr prezıdenti Jamal Abdýl-Nasr. Basylymnyń tarylymy da joǵary, onyń 600 myńǵa jýyq oqyrmany bar. Osy alqaly jıynda mysyrlyq jýrnalıserdiń aıtýynsha, osy ýaqytqa deıin olarda jýrnalıserdi qorǵaıtyn zań bolmaǵan. Qazir tıisti zań jasalyp, jýrnalıs quqyǵy qorǵalyp keledi eken. Sondaı-aq, jýrnalıser odaǵy da jumysyn jasaýda. Onda oń myńǵa jýyq jýrnalıs múshelikte eken. Al Mysyr Arab respýblıkasynda úsh túrli gazet jumys jasaıdy. Onyń birinshisi - úkimettik, ekinshisi - partıalyq, úshinshisi - jeke kompanıalardyń gazetteri. Dóńgelek ústelde sóz alǵan "Ál-Jýmhýrıa" gazetiniń bas redaktory Muhammed Talaat myrza qazaqstandyqtarǵa alǵys bildirip, ózi basqaryp otyrǵan basylym týraly toqtaldy.
- Biz Qazaqstandaǵy eń úzdik, ári álemge tanymal ýnıversıetterdiń qatarynan kóringen Ál-Farabı atyndaǵy Qazaq ulttyq ýnıversıteti tynys-tirshiligimen tanysqanymyzǵa qýanyshtymyz. Atalmysh jetekishi oqý ornyn biz Mysyrdaǵy jastarǵa, stýdentterge tanystyramyz. Bolashaqta bilim, ǵylym, jýrnalısıka salasynda birigip jobalar jasasaq degen usynystarymyz bar. Dál osyndaı is saparlar - 1958 jyldan bastap uıymdastyrlyp keledi. Bizdiń úkimet stýdentterdi yntalandyrý úshin mundaı taǵylymdy is-saparlardy jalǵastyrýda. Sondaı-aq, bizdiń stýdentter osynyń aldynda Eýropa men Azıanyń birnshe elderin aralaǵan bolatyn. Sonyń ishinde, Qytaı, Túrkıa, Indonezıa, Malazıa elderi bar. Bul bizdiń Qazaqstandaǵy eń alǵashqy sátimiz bolyp otyr. Biz burynnan Qazaqstanǵa is-sapar bolsa dep armandaıtynbyz. Óıtkeni, bizdiń eki el arasyndaǵy baılanysymyz tyǵyz bolatyn. Biz Mysyrdy bılegen Sultan Beıbarysty qurmet tutamyz. Ol Sultan týraly bizdiń de aqyndarymyz óleń-jyrlaryn jazǵan. Osyndaı jazıraly Qazaq jerine kelýimizdi kóptegen jýrnalıserimiz ben stýdentterimiz kútken bolatyn. Osy sapardan alǵan keremet áserden keıin, biz ár kezde Qazaqstanǵa qaıtadan kelýge asyǵamyz. Osy jerdegi stýdentter arab elderindegi jáne Qazaqstandaǵy úlken qurmetti bir-bir elshiler bolatynyna senimdimiz. İs-sapardy uıymdastyrǵan Mysyr Arab Respýblıkasyndaǵy Qazaqstan Respýblıkasynyń Tótenshe jáne Ókiletti Elshisi Arman Isaǵalıevke jáne ál-Farabı atyndaǵy QazUÝ basshylyǵyna, jýrnalısıka jáne shyǵystaný fakúlteti dekandaryna alǵysymdy bildirgim keledi, - dedi Muhammed Talaat myrza.
Jıyn suraq-jaýap túrinde jalǵasty. Máselen, "Ál-Jýmhýrıa" gazeti redaksıasynyń bólim basshysy Gamal Akl Salman myrza baspasóz jýrnalısıkasyndaǵy máselege toqtaldy. «Ózderińiz bilesizder, gazettik jýrnalısıka úlken bir qaýip-qaterdiń astynda tur. Óıtkeni barlyq gazetter elektrondyq nusqaǵa kóshýde. Osy tehnologıalyq tóńkeristen keıin bizde áleýmettik jeliler bul gazetterdiń ornyn basyp bara jatqandaı seziledi»- degen Gamal Akl Salman ortaǵa «Osyndaı syn-qaterlerde qazaqstandyq gazet jýrnalısıkasy qalaı júrip jatyr, sony bilgimiz keledi» degen saýal tastady. Mysyr jýrnalısiniń saýalyna respýblıkalyq "Baldyrǵan" jýrnalynyń Bas redaktory, belgili jýrnalıs-pýblısıst Dúısen Maǵulumov jaýap berdi. Olár basylym oqyrmany úshin kúresetindigin jetkizdi. Osy máseleni sheshý jóninde elimizde medıa-salasynyń mamandarymen ár túrli jıyndar ótip jatqandyǵyn, sheshýdiń túrli joldary jasalyp jatqanyn aıtty. «Bizder, balalar basylymy úshin, mektepke baryp, oqýshylarmen kezdesip, jýrnalymyzdyń jabylyp qalmaýyna ózimiz jumys jasaımyz. Biz gazetterimizdi joǵaltpaýymyz kerek, saqtap qalýymyz qajet. Sol jolda bárimiz jumys istep jatyrmyz, arab áriptesterimizge de sony tileımiz», - deıdi Dúısen Maǵlumov.
Jıyn barysynda ózge de kóptegen suraq jaýabyn taýyp, tájirıbelik dıalog oryn aldy. Mysyrlyq jýrnalıser Qazaqstandaǵy sapary barysynda elimizdiń jetekishi oqý orny - QazUÝ týraly birneshe aqparattyq maqala jarıalap úlgerdi.
«Rýhanı jańǵyrý» baǵdarlamasy aıasynda júzege asyrylyp jatqan mundaı halyqaralyq kezdesýler otandyq mamandarǵa mol tájirıbe berip, elimizdiń álemge tanylýyna jol ashýda. QazUÝ-da mundaı keleli kezdesýler ótkizý dástúrge aınalǵan.
