M.Áýezov atyndaǵy Qazaq Memlekettik akademıalyq drama teatrynda Qazaqstan Respýblıkasy Mádenıet jáne sport mınıstrliginiń qoldaýymen, Qazaqstan Respýblıkasynyń elordasy – Astana qalasynyń 20 jyldyǵyna oraı Qazaqstan teatrlar  Asosıasıasy uıymdastyrǵan elimizdiń teatr óneri qaıratkerleriniń jáne shetel sheberleriniń qatysýymen Respýblıkalyq Praktıkýmnyń ashylý saltanaty ótti.

Qazaqstan teatrlar praktıkasyna teatrdyń zamanaýı formalaryn tanystyrý men engizýge, elimizdegi barlyq dramalyq jáne mýzykalyq-dramalyq teatrlardyń damýy men baılanysyn  nyǵaıtýǵa, talantty shyǵarmashyl jastarǵa qoldaý kórsetýge, teatr rejıserleri men  óner qaıratkerleriniń kásibıligin arttyrýǵa  jáne tájirıbe almasýǵa baǵyttalǵan  Respýblıkalyq Praktıkýmnyń elimizdiń túkpir-túkpirinen rejıserler men akterler qatysyp jatyr.

Praktıkýmnyń basty qonaqtary – Shota Rýstavelı atyndaǵy Tbılısı memlekettik  teatr jáne kıno ýnıversıtetiniń rektory, A.S.Grıboedov atyndaǵy orys drama teatrynyń bas rejıseri, profesor Margvelashvılı Georgıı Nodarovıch pen Halyqaralyq  teatr festıvaliniń «Úzdik senografıa» nomınasıasynyń jeńimpazy, Álemdik Praga Kvadrıennale laýreaty Tamara Okıhán.

Atalmysh Praktıkýmǵa qatysýshylar A.Chehovtyń «Apaly sińilili úsheý» pesasy negizinde úzindiler kórsetip, praktıkalyq jumys isteıdi. Shara sońynda Praktıkým qatysýshylaryna arnaıy sertıfıkat tabystalady.     

Aıta keteıik, elimizdiń teatr óneri qaıratkerleriniń jáne shetel sheberleriniń qatysýymen ótetin Respýblıkalyq Praktıkým 1 qazanǵa deıin jalǵasady.