Shoý dúısenbi men juma aralyǵynda kún saıyn saǵat 15.00-de kórsetiletin bolady.
15 qazannan bastap saǵat 15.00-de «31 arnada» elimizdegi eń joǵary reıtıńke ıe «Kelinder báıgesi» realıtı-shoýy efırge shyǵady. Jyl ótken saıyn toı ótkizýge degen talap kúsheıip, jańa trendter paıda bolyp, jobaǵa qatysýshylar sany da artyp keledi. Sol sebepti biz de úılený toıyna arnalǵan dástúrlerdi jańǵyrtyp, zaman tabalyna saı jańartýdy qolǵa aldyq.
«Kelinder báıgesi» jobasynyń jańa maýsymynda elimizdiń Almaty, Qyzylorda, Shymkent jáne Saryaǵash sekildi qalalaryndaǵy qalyńdyqtarǵa basymdyq berdik.
Almaty qalasynda túrli ult ókilderiniń nternasıonaldy toılary jıi ótedi. Máselen, altynshy maýsymdy arnamyzdyń kórermenderi uıǵyr men kóreı halyqtarynyń qudalasqanyna kýá bolady. Prodúserlerdiń aıtýynsha, jobaǵa, negizinen, 18-28 jas aralyǵyndaǵy qalyńdyqtar qatysady.
"Kelinder báıgesiniń" jańa maýsymynda qalyńdyqtar toıdy uıymdastyrý jumystaryn tolyqtaı óz moıyndaryna alyp, egjeı-tegjeıine deıin ózderi oılastyrady. Al aǵaıyn-týys toıǵa tek qana qonaq bolyp keledi.
"Biz jyl saıyn jobaǵa qatysýshylar irikteımiz. Qalyńdyq tańdaǵanda naqty bir talaptardy basshylyqqa almaımyz. Joba qazaq tilinde júredi. Alaıda orystildi aýdıtorıa úshin baǵdarlamany tıtr arqyly orysshaǵa aýdaryp usynamyz. Qazirgi tańda toıdy árkim irtúrli formatta ótkizedi. Alaıda bizdiń joba qalyń kópshilikke jańadan sánge engen joralǵylar men ulttyq salt-dástúrlerli úılestirip usynǵandy jón kóredi», - deıdi «31 arnanyń» bas prodúseri Nurjan Muhamedjanova.
Jyl ótken saıyn qatysýshylardyń toı uıymdastyrý tájirıbeleri artyp, synı kózqarastary kúsheıip keledi. Ásirese bezendirý men dastarqandy áspetteý jumystaryna kelgende erekshe talǵampazdyq kórsetýde. Joba jasaýshylardyń aıtýynsha, qazirgi jastar merekelik baǵdarlamanyń biregeıligine, paıdaly taǵamdar men jandy mýzykalarǵa erekshe mán beretin bolǵan.
«Kelinder báıgesi» jobasynyń árbir jańa maýsymy – toı ındýstrıasyndaǵy jańa joralǵylar men jańa úderisterge toly. Ásirese, qyzylordalyqtardyń toıdy qalaı ótkizetinin erekshe atap ótkim keledi. Ol jaqtyń qalyńdyqtarynyń bári pysyq ári «er minezdi» eken. Óz toılaryna erekshe kóńil bólip, toı saltanatynyń árbir bólshegine asqan jaýapkershilikpen qaraıdy. Bul qalanyń toılary kóńildi ótedi. Qonaqtardyń toı kezindegi jarystarǵa óte belsendi qatysatyndary qatty unap qaldy», - deıdi jobanyń prodúseri Juldyz Kılıbaev.
Realıtı-shoýdyń erejesi boıynsha elimizdiń ártúrli qalalarynan jınalǵan tórt qalyńdyq bir-biriniń toıyna qatysyp, toıdyń uıymdastyrylý deńgeıine óz baǵasyn beredi. sonymen birge, joba barysynda «31 arnanyń» kórermenderi toı sarapshylarynan kásibı keńester alady. Maýsymnyń qorytyndysy boıynsha eń úzdik toı ıesi dep tanylǵan jeńimpazdar syılyqqa arnamyzdyń atynan bal aıyna joldama alady.
Shoý dúısenbi men juma aralyǵynda kún saıyn saǵat 15.00-de kórsetiletin bolady.
