QR Ulttyq ekonomıka mınıstrliginiń Statısıka komıteti  qazaqstandyqtardyń qyrkúıektegi ortasha jalaqysyn atady, dep habarlaıdy Qamshy.kz aqparat agenttigi Sputnik Qazaqstan saıtynyń deregin negizge alyp.

2018 jyldyń qyrkúıeginde bir qyzmetkerdiń ortasha aılyq ataýly jalaqysy baǵalaý boıynsha 160 555 teńgeni qurady.

"2018 jyldyń tamyzynda halyqtyń orta eseppen jan basyna shaqqandaǵy ataýly aqshalaı tabystary baǵalaý boıynsha 89 338 teńgeni qurady, bul 2017 jylǵy tamyzǵa qaraǵanda 8,1% joǵary, al naqty aqshalaı tabys kórsetilgen kezeńde 2% joǵarylady", — dep jazylǵan habarlamada. 

Aıta keteıik, qyrkúıekte jumyssyzdar sany 441,9 myń adamdy quraǵan. 146,8 myń adam jumyspen qamtý organdarynda jumyssyz retinde tirkeýde tur eken.   

Esterińizge salsaq, Qazaqstan prezıdenti Nursultan Nazarbaev bıylǵy halyqqa joldaýy kezinde úkimetke 2019 jyldyń 1 qańtarynan bastap eń tómengi jalaqyny 1,5 ese, ıaǵnı 28 myńnan 42 myńǵa deıin ósirýdi tapsyrdy. Iaǵnı barlyq sala boıynsha kásiporyndarda jumys isteıtin 1 mıllıon 300 myń adamnyń eńbekaqysy ósedi. 

Osylaısha búdjettik mekemelerde jumys isteıtin 275 myń qyzmetkerdiń jalaqysy shamamen 35%-ke artady. Osy maqsatqa qol jetkizý úshin 2019-2021 jyldary búdjetten jyl saıyn 96 mıllıard teńge bólinedi dep josparlanýda.