Aqmola oblysynda quqyq qorǵaý organdary, qutqarýshylar men eriktiler osymen úshinshi táýlik jumbaq jaǵdaıda joǵalyp ketken er adamdy izdestirip jatyr dep jazady Qamshy.kz aqparat agenttigi sputniknews.kz saıtynyń deregin negizge alyp.

39 jastaǵy Aleksandr Vıktorovıch Petrýhınniń joǵalyp ketkeni týraly habar Býrabaı AİİB-ge 11 qazanda túsken. Týysqandarynyń aıtýynsha, Petrýhın 10 qazan kúni Býrabaı aýdanyna Aqylbaı aýylynyń mańyndaǵy Kishi Shabaqty kóline balyq aýlaýǵa ketken. Otbasy keshke qaraı onymen baılanysqa shyǵa almaǵan. Kelesi kúni týysqandary polısıaǵa júgingen. 

Er adamdy izdeýge Býrabaı AİİB jeke quramy jumyldyryldy. Arnaıy izdeý toptary quryldy. Petrýhınniń avtokóligi sý qoımasynyń jaǵasynan tabylǵan. Kóliktiń ishinde er adamnyń qujattary bolǵan. 

Qazirgi tańda izdeý sharalary jalǵasyp jatyr, tótenshe jaǵdaılar departamentiniń qyzmetkerleri men eriktiler de tartyldy.