Astana ákimdigi komýnaldyq qyzmet pen merdigerlerdiń qysqa daıyndyǵyn tekserdi dep jazady Qamshy.kz aqparat agenttigi elordanyń resmı saıtynyń deregin negizge alyp.

Astana ákimi basqaratyn komısıa "qar maýsymynyń" bastalýyna oraı qalanyń daıyndyǵyn tekserip shyqty, dep habarlaıdy elorda ákimdiginiń resmı saıty. 

Komısıa kósheler men joldardy jınaıtyn eki iri merdigerlik uıymnyń – "Astana tazalyq" jáne "Astana Zelenstroı" AQ tehnıkalaryn kórip shyqty. Eki kompanıanyń da parki 400 mamandandyrylǵan tehnıkadan asady. Kompanıa basshylyǵy barlyq tehnıkanyń qysqy maýsymnyń bastalýyna daıyn ekenderin jetkizdi. Qyzmetkerler shtaty da jasaqtalǵan.

Qar jaýǵan kúnderi kóshege Esil aýdany boıynsha 526 birlik tehnıka, Baıqońyr aýdanynda – 177, Saryarqa aýdanynda – 437, Almaty aýdanynda – 452 tehnıka shyǵýǵa daıyn. 

 Alda turǵan qysqy maýsymǵa "Astana tazalyq" qazirden 20 myń tekshe metr qumdy-tuzdy qospany daıyndap qoıdy (jýyq arada taǵy da 8 myń tekshe metri daıyndalady). Daıyn bolǵan reagent aýdannyń marshrýty boıynsha ázirlengen. 

Shyǵatyn tas joldarda jáne qatty qar jaýǵan kezde paıdalanylatyn arnaıy rotorlar da qysqy maýsymǵa daıyn.

Astana basshylyǵy qatysqan jıynda aýdan ákimderi, merdigerlik uıymdar, qalany sanıtarlyq tazalaýǵa kiriskender merdigerlik uıym ókilderiniń esebin jáne aýdan ákimderiniń qysqy maýsymǵa daıyndyǵy týraly tyńdady. 

"Biz tolyqtaı daıyn bolýymyz kerek. Komýnaldyq qyzmetter saǵat sıaqty jumys istep turýy tıis, qalalyqtar aýa raıynyń qolaısyzdyǵyna baılanysty joldarda jaısyzdyq sezinbeýi tıis", dedi Baqyt Sultanov.