20 jastaǵy Sadrıddın Ahmedov kásipqoı bokstaǵy tórtinshi jekpe-jegin tehnıkalyq nokaýtpen  aıaqtady dep jazady Qamshy.kz aqparat agenttigi Sports.kz saıtynyń deregin negizge alyp. 

Jastar arasynda álem chempıony atanǵan Sadrıddın Ahmedov (3-0, 3 KO) kásipqoı bokstaǵy tórtinshi jeńisine qol jetkizdi.

Orta salmaqta judyryqtasatyn 20 jastaǵy otandasymyz  kezekti jekpe-jegin Monrealda (Kanada) ótkizdi. Onyń qarsylasy meksıkalyq Haver Hesýs Mendosa (7-5-1, 6 KO) boldy.

Alty raýndqa eseptelgen jekpe-jektiń 57-shi sekýndynda Ahmedov tehnıkalyq nokaýtpen merziminen buryn jeńiske jetti. Osylaısha Sadrıddın kásipqoı bokstaǵy tórt jekpe-jegin de nokaýtpen aıaqtasa, al Mendosa karerasynda altynshy márte jeńiliske ushyrady.

Taǵy bir aıta keterligi, kanadalyq BAQ Ahmedovtyń bolashaǵy jarqyn ekenin jarysa jazyp jatyr. Fılıpp Sent-Marten atty jýrnalıs: "Myna jigitti nazarda ustańyzdar! Onyń boıynda uly karera jasaýǵa qajettiniń bári bar!", — dep aıtqan.    

Esterińizge sala keteıik, juma kúni jeńilip kórmegen taǵy bir qazaqstandyq boksshy Álı Ahmedov kásibı rıngtegi 13-shi jeńisine qol jetkizgen.