Qyrǵyzstan Respýblıkasynyń Prezıdenti Almazbek Atambaev óziniń jeke menshigine tıesili jer telimin Meshit qurylysyna arnady. Bul týraly Qyrǵyz Prezıdentiniń baspasóz qyzmeti habarlaǵan.

Baspasóz qyzmetiniń aqparatynda, jańa Meshit 2010 jyly sáýir oqıǵasy kezinde qaza bolǵan Qyzǵyzstan azamattarynyń qurmetine salynýda. Ol úshin qyrǵyz Prezıdenti Almazbek Atambaev 1990 jyldary jekeshelendirip alǵan, Bishkektiń 7-shi shaǵyn aýdanyndaǵy jer telimin usynyp otyr delingen.

"7-shi sáýir sheıitteri" meshitiniń qurylysy qyrǵyz Prezıdentiniń muryndyq bolýymen bastalyp ketken. Meshit qurylysynyń ashylýy saltanatynda Qyrǵyzstan Prezıdenti Almazbek Atambaevpen birge eldegi túrli qoǵamdyq uıym basshylary, BAQ ókilderi men sheıit bolǵan azamattarydyń týystary qatysqan.

Eske túsire ketsek, 2010 jyldyń sáýirinde Qyrǵyzstanda memlekettik revolúsıa oryn alyp, jappaı tártipsizdikter kezinde 87 adam qaza bolǵan jáne 100-degen adam túrli dene jaraqattaryn alǵan bolatyn. Atalmysh revolúsıanyń jalǵasy ultaralyq janjalǵa ulasyp, eldiń ońtústiginde qyrǵyzdar men ózbekter arasynda alaýyzdyq oty tutanǵan. Bul ultaralyq janjaldar kezinde 400-den astam adam qaza bolyp, 2000-nan astam adam jaraqattanǵan edi. Qyrǵyz bıligine Atambaev kelgennen soń, 7-sáýir Qyrǵyzstanda qaraly kún atanyp, sol kúni revolúsıa qurbandaryn eske alý kúni bolyp jarıalanǵan.