Qazposhta árqashan jańa ıdeıalardy qoldap, júzege asyrýǵa daıyn. Bul týraly Astana qalasynda Qazposhta AQ-nyń uıymdastyrýymen ótkizilgen  Google meet up-ta Kazpost IT-bóliminiń atqarýshy dırektory Bahtıar Muhametqalıev málimdedi. 

Meet up-ta Google kompanıasynyń mamandary qatysýshylarǵa jobalarmen tıimdi jumys isteýi jáne qyzmetkerlerdiń jeke ósýi úshin Google quraldaryn durys paıdalaný jaıynda qyzyqty málimetterimen bólisti.

Google kompanıasynyń ókili Evgenıı Ganchıts sharaǵa qatysýshylarǵa gýgl izdeý júıesiniń qyr-syrymen tanystyryp, aıtyp berdi.

Evgenıı Ganchıts bul jaıynda óz tájirıbesindegi sátti jarnama arqyly ınternettegi qalyń jurtshylyqtyń nazaryn qalaı aýdarý kerektigin aıtyp, jol kórsetti.

«Sizdiń isińiz týraly habarlandyrý qyzyqty bolýy kerek, bul dúkendegi sóreler sekildi adam kózin tartady, ıaǵnı alǵashqy áser qalyptastyrady. Eger siz eleýli kásipker bolsańyz, jarnamalyq mátin óte sapaly bolýy mańyzdy ról atqarady. Paıdalanýshylar sizdiń saıtyńyzǵa nege kirgenin jáne ol jerden ózine ne alatynyn birden biletindeı bolý kerek. Túıindi sózder aıtyńyz, bos ýáde bermeńiz ol sizge degen senimdilikti arttyrady», – dep spıker biraz paıdaly aqparattar usyndy.

Meet up-ty digital-agenttikti damytýmen aınalysatyn Asıa Mambetalıeva Google-ǵa tıesili YouTube qyzmeti jóninde aıtyp berdi. Basty nazardy jarnamalyq beınerolıkterde boldy. 

«Ortasha eseppen alǵanda kórermen smartfonnan beıne kórý úshin kúnine bir saǵattan astam ýaqyt ótkizedi. Búginde biz sapaly kontentti qalaımyz – bul óz kezeginde jarnama berýshilerdi shaqyrý. YouTube-ta beıne jarnamalardyń kóp túrleri bar. Biraq eń jańalary tómengi jaǵynda kórinip turady», – dedi Ásıa Mámbetalıeva.

♦Telefonnyń zıandy tustarynan qorǵanýdy bilesiz be?

Ol sondaı-aq, qazaqstandyq YouTube-ta kazıno men brendti jarnamalaýǵa tyıym salynǵanyn da eskertip ótti.