Qazaqstan Respýblıkasy Mádenıet jáne sport Mınıstrliginiń qoldaýymen,  Qazaqstan Teatrlary asosıasıasy 2017 jyldyń 30 qazan – 6 qarasha aılary aralyǵynda Taldyqorǵan qalasynda Astananyń 20 jyldyǵy men kórnekti memleket qaıratkeri Temirbek Júrgenovtiń 120 jyldyǵyna arnalǵan VII Ortalyq Azıa elderiniń halyqaralyq festıvalin ótkizedi, dep habarlaıdy Qamshy.kz aqparat agenttigi. 

Festıválge baq synaýǵa Qazaqstan, Qyrǵyzstan, Tájikstan, Túrikmenstan, Bashqurtstan, Ózbekstan, Túrkıa  elderiniń teatrlary qatysady.

Festıvál Ortalyq Azıa elderi men Qazaqstannyń teatr óneri salasyndaǵy áriptestikti nyǵaıtý, teatr ónerin damytý jáne osy sala mamandaryn shyǵarmashylyq bastamalarǵa yntalandyrý, sondaı-aq, jurtshylyqtyń nazaryn teatr úrdisiniń jańa, zamanaýı úlgilerine aýdarý maqsatynda ótkiziledi.

Joǵaryda atalǵan 7 memlekettiń bas teatrlary qatysatyn festıvál aıasynda jalpy kólemde 12 qoıylym kórermen nazaryna usynylatyn bolady. Aıta keteıik, atalmysh festıvál Beken Rımova atyndaǵy Taldyqorǵan drama teatrynyń jańa jáne eski ǵımaratynda ótedi. Qoıylymdardy Taldyqorǵan qalasynyń turǵyndary men qonaqtary tegin tamashalaı alady.