Los-Andjeles qalasynda qazannyń 23-i men 28-i aralyǵynda ótetin halyqaralyq Hollywood Film Festival kınofestıvaliniń birinshi kezeńinde «Ámire» fılmi Silver Screen Award júldesine ıe boldy. Qazaqtyń tenor daýysty birtýar ánshici Ámire Qashaýbaevtyń ǵumyryn baıandaıtyn fılmdi QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ «Dar Play» kompanıasymen birlese túsirgen.
Aıta ketsek, festıváldiń alǵashqy kezeńinde Silver Screen Award júldesine úmitkerler qataryna baıqaýǵa qatysatyn ár eldiń birneshe fılmderi usynylǵan bolatyn.
Bul kezeńde Qazaqstan atynan alty birdeı kınotýyndy – úsh tolyqmetrajdy jáne úsh qysqametrajdy fılmder qarastyrylǵan. «Ámire» kartınasymen qatar Sh.Aımanov atyndaǵy «Qazaqfılm» kınostýdıasy jaryqqa shyǵarǵan úsh fılm baq synady, olar: tolyqmetrajdy fılmder baıqaýynda Tólegen Baıtókenovtyń «Satash» fılmi jáne Eljas Raqymbekovtyń «El Frıman» kartınasy, al qysqametrajdy fılmder bólimine Berik Jahanovtyń «Asan» fılmi qatysty.
Birinshi kezeńniń jeńimpazy Silver Screen Award júldesiniń ıegeri «Ámire» fılmi endi Fransıa, Germanıa, Chılı, Japonıa men Shvesıa syndy basqa da 16 memleketten qatysatyn fılmdermen birge festıváldiń basty júldesi úshin kúreske túsedi. Bul festıválde fılmdi rejıser Djeff Vespa tanystyratyn bolady.
Jańa talanttardy ashatyn jáne táýelsiz kınony nasıhattaıtyn Gollıvýdtyq kınofestıval 1997 jyldan bastap ótkizilip keledi. «Úlken oqıǵalar álemdi ózgertetinin jáne álemimiz ózgeristerdi kútetinin bilemiz. Sonymen qatar, Gollıvýd – álemdik mádenıetti jyrlaıtyn táýelsiz kıno sýretkerler qatary jınalatyn tıimdi ári bedeldi orta»,- deıdi Hollywood Film Festival kınofestıvaliniń uıymdastyrýshylary.
Sondaı-aq, «Ámire» kartınasy Nú-Iorkte qazannyń 10 men 14 aralyǵynda ótken «Výdstok» Halyqaralyq kınofestıvaline qatysty. Fılmdi kórermenge basty rólde oınaıtyn akter Sanjar Mádı usyndy. Akterdiń aıtýynsha, «Ámire» fılmine amerıkalyq kórermen tarapynan úlken qyzyǵýshylyq týyndap, bıletter túgel aldyn-ala satylyp ketken jáne zal kórermenge toly bolǵan.
"Kartınany kórsettik, halyqaralyq deńgeıge shyǵardyq. Eń bastysy fılm kórermenniń kóńilinen shyqty", - dedi Výdstoktik kınofestıval týraly Sanjar Mádı.
