19 qazanda general S. Q. Nurmaǵambetov atyndaǵy «Jas ulan» respýblıkalyq mektebiniń jeke quramymen «Nur Otan» partıasynyń múshesi, Astana qalasy májilisiniń depýtaty Shekenov Mıras Erǵalıuly «Qazaqstandyqtardyń ál-aýqatynyń ósýi: tabys pen turmys sapasyn arttyrý» taqyrybyndaǵy Elbasynyń joldaýy boıynsha kezdesýi ótti.

Kezdesýdi mektep bastyǵy ádilet polkovnıgi Basqojaev Tleýhan Qalılauly ashyp, jeke quramǵa Qazaqstan halqynyń jyl saıyn Elbasy Joldaýyn taǵatsyzdana kútetindigin, osy mańyzdy qujatta asa qajetti tapsyrmalar, tyń bastamalar, bir sózben aıtqanda, bolashaqqa naqty baǵdar jasalatyndyǵyn aıta kelip, kezdesýdiń maqsatyn túsindirip ótti. Sonymen birge mektep bastyǵy, búgingi kúni elimizdiń barlyq óńirinde Joldaýdyń basty basymdyq baǵyttaryn túsindirý boıynsha jumystar atqarylyp jatqandyǵyn, sonyń bir dáleli búgin bizdiń mektebimizde Elbasy joldaýyn túsindirý maqsatynda «Nur Otan» partıasynyń múshesi, Astana qalasy májilisiniń depýtaty Shekenov Mıras Erǵalıulyn arnaıy shaqyryp otyrǵandyǵyn aıtyp, sóz kezegi berildi.

Mıras Erǵalıuly kezdesý barysynda Memleket basshysynyń Joldaýynda belgilengen basym baǵyttaryn iske asyrý joldaryn jan jaqty áńgimelep, ıaǵnı joldaýdaǵy barlyq mindet memlekettiń keleshektegi damýyna, halyqtyń ál aýqatynyń ósýine arnalǵandyǵyn aıtyp ótti. Depýtat ásirese bilim salasyna basa nazar aýdara otyryp, 2019 jyl Jastar jyly bolyp atalýy, jastardyń keleshegine, bilim alyp, damýy, belsendi eńbektenýine kóp septigin tıgizetindigin atap kórsetti.

Erteńgi kásibı maman, búgingi mektep oqýshysy ekendigi barshamyzǵa málim. Olaı bolsa Elbasshynyń «Orta bilim berý júıesinde negizgi tásilder belgilengen, qazirgi kezeńde solardyń oryndalýyna basa nazar aýdarǵan jón. Bilim sapasyn baǵalaý júıesi halyqaralyq standarttarǵa negizdelýge tıis» degen sózi bilim salasyndaǵy qyzmetkerlerge úlken mindetter júkteıdi.

Elimizde sapaly bilim berýdiń aýqymdy jobasyn júzege asyrýshylardyń ishinde bizdiń mektebimiz de bar. Ulttyq birlikke, Otanyn, elin, jerin súıýge, ulttyq táýelsiz memleketti nyǵaıtýǵa óz úlesin qosýǵa daıyndaıtyn elimizdiń Qarýly Kúshteriniń bóliminiń biri, «Jas ulan» respýblıkalyq mektebi olaı bolsa, mektepte óz Otanynyń damýy jolynda aıanbaı ter tógetin, “Qazaqstan – meniń Otanym, ol men úshin jaýapty bolǵany sıaqty, men de ol úshin jaýaptymyn” degen qarapaıym oıdy meńgergen ulandar ıaǵnı jastar tárbıelenip jatqanyna senimiz mol.

Osyndaı senimmen qorytyndylanǵan kezdesý sońynda «Nur Otan» partıasynyń múshesi, Astana qalasy májilisiniń depýtaty Shekenov Mıras Erǵalıuly mektep jeke quramymen estelikke sýretke tústi.