Desantty-shabýylshy áskerge Shyǵys Qazaqstan oblysy, Astana men Qostanaı qalalarynan áskerge shaqyrylýshylar keldi.
Desantty-shabýyldaýshy áskerine jańadan shaqyrylýshylar kelýde. 61993 áskerı bóliminiń desantshylar qataryn 130 áskerge shaqyrylýshylar tolyqtyrmaq. Olar Shyǵys Qazaqstan jáne Astana, Qostanaı qalalarynan kelgen. Olarǵa eń unaǵany soltústik qalalarmen salystyrǵanda Almaty jyly qala ekenin qýana aıtty. Almaty jyly aýa-raıymen uarsy alsa ásker de jaqsy bolady dep ázildedi áskerge shaqyrylýshylar.
Birinshi kúni jas sarbazdar jańa jaǵdaıǵa úırenýge beıimdeledi. Áskerı psıhologtar olarmen psıhologıalyq testter men jeke áńgimelesýler júrgizip, jeke qurammen jumys jónindegi bólimshe komandırlerine tapsyrady. Sarbazdy zerdeleý kezinde basty nazar bilim deńgeıine, mamandyǵynyń bar bolýyna, iskerlik jáne sıpattamalyq qasıeterine aýdarylady.
Jas sarbazdardy bólimshe boıynsha bólý kezinde qaıta tereńdetilgen medısınalyq komısıadan ótkiziledi.
Aǵymdaǵy bir aı ishinde bolashaq desantshylar jalpyǵa birdeı oqý jáne memlekettik-quqyqtyq daıyndyq, jarǵylardyzerdeleý kýrstarynan ótip, kún tártibi men bilimin jetildirip, qyzmetke túsý daǵdylaryn, atý daıyndyq amaldaryn, áskerı tehnıkalar men atý qarýyn meńgeredi.
Sonymen qatar atý, taktıkalyq daıyndyqtary boıynsha normatıvterdi oryndaý joldaryn is júzinde meńgeredi, - dedi 61993 áskerı bólimi komandıriniń tárbıe jáne ıdeologıalyq jónindegi orynbasary Arynǵalı Akıshev.
Birneshe kún buryn 16194, 58012 áskerı bólimderine 60 adam tolyqtyryldy. Qazaqstannyń ártúrli óńirlerinen 2000-ǵa jýyq desantshy-shabýyldaýshy áskerine keldi. Áskerı antty saltanatty qabyldaý Qazaqstan Respýblıkasy Prezıdent kúnine oraı qarasha aıynyń sońynda ótkizý josparlanýda.
