Almatynyń Túrksib aýdanynda múmkindigi shekteýli balalar úshin «Meıirim» atty erekshe reabılıtasıalyq ortalyq ashyldy. «Rýhanı jańǵyrý» baǵdarlamasy aıasynda almatylyq kásipker Qaırat Boranbaev qurylysqa 2 mlrd. teńge jeke ınvestısıasyn saldy.

«Meıirim» atty jańa ortalyq serebraldy paralıch aýrýyna jáne basqa da syrqattarǵa ushyraǵan, ıntellektýaldyq damýy tómen, sonymen qatar Daýn sındromyna shaldyqqan 3-ten 15 jas aralyǵyndaǵy múmkindini shektýeli balalarǵa eseptelgen.

Mekemeniń bir ereksheligi, munda ár bala úshin korreksıalyq jáne reabılıtasıalyq damýdyń jeke ádisi jasalǵan. Balalar korreksıalyq-damý sabaqtaryna qatysady, olarǵa psıhologıalyq-pedagogıkalyq kómek kórsetiledi, emdeý fızkýltýrasy, massaj, fızıoterapıa, áleýmettik-eńbek reabılıtasıasy, mýzyka, kórkem jáne oıyn terapıasy jumys isteıdi.

Ortalyq aýmaǵyna aıryqsha ınklúzıvti balalar alańy ornalasqan, munda olar túrli jattyǵýlar jasaıdy, ózderin tik ustap, koordınasıalaryn, jalpy jáne shaǵyn motorıkany, kúshterin, eptiligin, kórý qabiletterin, taktıldi sezinýlerin, jetildiredi jáne top bolýǵa oınaýǵa beıimdeledi. Jalpy, ortalyq aınalasynda múgedek arbasyndaǵy jáne múmkindigi shekteýli balalardyń esh kedergisiz qozǵalýy úshin barlyq jaǵdaılar jasalǵan.

«Áleýmettik qoǵamnyń basty máni - adamdardy jalǵyz qaldyrmaý. Memleket basshysy buǵan aıryqsha nazar aýdarýda, osyǵan oraı almatylyq kásipkerlerdiń basym kópshiligi «Rýhanı jańǵyrý» baǵdarlamasy aıasynda mundaı áleýmettik baǵdarlamalarǵa qoldaý bildirýde. «Bolashaq» qory qamqorshylar keńesiniń tóraǵasy retinde aýtızm problemasymen biz keńinen aınalystyq. Jeke qarjyny tarta otyryp, ınklúzıdi qoldaýdyń 20 kabıneti ashyldy, onyń 7-i Almatyda. Óz kezeginde qalalyq ákimdik tarpynan biz kóshelerdi abattandyryp, barlyq turǵyndar úshin qolaıly jaǵdaılar jasaýdamyz. Olardyń arasynan sábıdiń arbasyn súıregen analardy, qarttardy jáne múkindigi shekteýli jandardy kórýge bolady. Qazirgi kezde rekonstrýksıa aıasynda bizdiń qalamyz erekshe qoldaýdy qajet etetin adamdar úshin barynsha qolaıly bolýda», - dep atap ótti Almaty ákimi Baýyrjan Baıbek balalardyń ata-analarymen kezdesýde.

Aıta keterligi, Almatyda áleýmettik salany qarjylandyrý sońǵy úsh jylda 2,5 ese ósti. Bıylǵy jyly tek múmkindigi shekteýli jandardy qoldaýǵa ǵana qala ákimdigi 7 mlrd. teńgeden astam qarjy bóldi.

Qazirgi kezde qalada 23 reabılıtasılyq ortalyq jumys isteıdi, olardyń teń jartysy jekeniki. Óz kezeginde «Meıirim» ortalyǵy 2007 jyly ákimdik ýaqytsha paıdalanýǵa bergen №250 bala baqsha bazasynyń negizinde ashyldy.