Demalys kúnderi kámeletke tolmaǵandar arasyndaǵy quqyq buzýshylyqtyń aldyn alý maqsatynda qala aýmaǵynda «Demalys» jedel-aldyn alý is-sharasy ótkiziledi.
«2018 jyldyń 31-shi qazanynda biz túngi ýaqytta kámeletke tolmaǵan balalardy anyqtaý úshin jastardyń súıikti demalys oryndaryna jergilikti reıdter júrgizdik. Sonymen qatar, biz barlyq múddeli memlekettik organdar men uıymdardyń, buqaralyq aqparat quraldarynyń ókilderin barynsha tarttyq. Bul kúni jastar «Helloýın» merekesin toılaıdy jáne ol ádettegideı túngi oıyn-saýyq oryndarynda ótti. Osyǵan baılanysty túngi ýaqytta reıd júrgizdik, bul rette kámelettik jasqa tolmaǵandardyń kóńil kóterý oryndarynda jáne túngi ýaqytta zańdy ókilderinsiz úıden tys jerlerde júrgendikterin, ishimdik pen temeki ónimderin satý faktilerin, aıtqandy tyńdamaıtyn jasóspirimderdi, quqyq buzýshylyqtar men turmysy tómen otbasylardy jasaýǵa beıimdilerdi anyqtadyq. Tekseris kezinde jasóspirimderdiń ata-analary ózderiniń urpaqtarynyń túngi ómirin baqylamaıtyndyǵy anyqtaldy jáne olarǵa qoldanystaǵy zańnamaǵa sáıkes sharalar qabyldandy», - dep habarlaıdy Almaty qalasy PD Jergilikti polısıa qyzmetiniń ıývenaldy polısıa bóliminiń bastyǵy, polısıa polkovnıgi Leıla Álipbaeva.
Jalpy alǵanda, «Helloýın» túni 105 jasóspirim ártúrli quqyq buzýshylyqtary úshin, onyń ishinde 77-si ákimshilik quqyqbuzýshylyq úshin tártip saqshylaryna jetkizildi. Kámeletke tolmaǵandardy beıimdeý ortalyǵyna 8 bala ornalastyryldy.
«Kámeletke tolmaǵandardyń túngi ýaqytta zańdy ókilderinsiz úıden tys jerlerde júrgendikteri úshin 96 ata-ana ákimshilik jaýapkershilikke tartyldy. Kompúterlik klýbtardyń 9 jetekshisine qatysty is qalalyq mamandandyrylǵan aýdanaralyq ákimshilik sotyna ákimshilik jaýapkershilikke tartý úshin jiberildi. Qalanyń saýda núktelerinde kámeletke tolmaǵandarǵa ishimdik ónimderi men temeki buıymdaryn satý boıynsha 2 fakti anyqtaldy. İshki ister organdarynyń esebine 5 jasóspirim men 6 nashar otbasy anyqtaldy jáne tirkeldi», - dep túıindedi óz sózin polkovnık Álipbaeva.
