Aqtaýda oblys ákimi Eraly Toǵjanovtyń qatysýymen «Jomart júrek» syılyǵynyń laýreattaryn saltanatty quttyqtaý rásimi ótti. Osymen ekinshi jyl jergilikti kásipkerlerdiń eńbegi men óz óńiriniń órkendeýine úles qosyp júrgen jumystary baǵalanyp, qorytyndy jasalýda.

«Atameken» baǵdarlamasy boıynsha aǵymdaǵy jyldyń bastapqy 10 aıynda josparlanǵan 85 is-sharanyń 39 jobasy mesenattardyń kómegimen iske asyryldy. Oblys boıynsha, 12 sport keshenderi men alańdary, 4 mektep janynda jylyjaılar, 100 oryndyq otbasylyq jataqhana salyndy, múmkindigi shekteýli jandar úshin 11 páter berilip, 18 turǵyn úı jóndeldi jáne 4 balalar oıyn alańy salyndy.

Mańǵystaý oblysy ákiminiń baspasóz qyzmeti málimetinshe, 2018 jyly quny 14 mlrd. 785 mln. 060 myń teńgelik taǵy 40 jobany iske asyrý bastalǵan. Jyl sońyna deıin 22 joba aıaqtalady dep kútilýde.

Oblys ákimi Eraly Toǵjanov Mańǵystaýdyń damýyna belsendi úles qosqan úzdik mesenattardy marapattady.

«Elbasymyz Nursultan Nazarbaevtyń «Qazaqstandyqtardyń ál-aýqatynyń ósýi:» jańa Joldaýynda atap ótkendeı, qazaqstandyqtardyń ál-aýqaty eń aldymen turaqty ál-aýqatynyń ósýi men turmys sapasyn arttyrýyna baılanysty. Búgin osynda tek qana aımaq emes, búkil elge oń yqpal etip, halyqtyń ómir súrý deńgeıin jaqsartýǵa zor úles qosyp júrgen adamdar qatysýda. Adamdardyń ómir súrý sapasy jaqsarǵanda kezde, olardyń sanasy da ózgeredi. Osy jaǵdaıda bizge bizdiń kásipkerler baǵa jetpes kómek kórsete alady. Sizderdiń kómek jáne qoldaýlaryńyzdyń arqasynda, biz 2019-2020 jyldary taǵy 29 jobany iske asyrýdy josparladyq, jalpy somasy 13,5 mlrd. teńge. Aqtaý qalasynda sport saraıynyń qurylysy, Jańaózende 59 úıdi jóndeý, Beıneýde 160 oryndyq sport kesheni qurylysyn salý, Munaıly aýdanynda kitaphana men mádenıet úıiniń qurylysy jáne taǵy basqa qurylystardy salý josparlanýda», - dedi oblys ákimi Eraly Toǵjanov.

«Jyl mesenaty» nomınasıasymen Esengeldın Saken Esengeldiuly jáne Kerelbaev Asqarbek Saıynuly men marapattaldy.

«Týǵan ólke» nomınasıasy Lesbaev Muhat Berdibekuly, Tabyldıev Dúısebaı Amanhanuly jáne Muńalbaev Suńǵat Ańshybaıulyna tabystaldy.

Belsendi azamattyq ustanymy, ártúrli baǵyttaǵy keń aýqymdy qaıyrymdylyq qyzmetti júzege asyrǵany úshin «Jyl tulǵasy» nomınasıasyn Shakenova Dametken Asabaıqyzy, Bımyrzaev Isa Ibraıymuly jáne Órisbaev Abat Jáńgirhanuly ıelendi.

Áleýmettik mańyzy bar, qaıyrymdylyq jobalardy iske asyrýda bas demeýshilik jasaǵany úshin «Úzdik uıym» nomınasıasymen Qojanepesov Baqytjan Mátkereıuly, Joldybaev Asylbek Turaruly jáne Ábdirahman Qýanyshbek Spanuly marapattaldy.

Volonterlik qyzmetterge belsendi qatysqany úshin «Eren eriktiligi» nomınasıasymen Ogaı Antonına Vácheslavovna, Mýradova Sánim İzbasarqyzy jáne «Úmmet jastary» qoǵamdyq uıymy marapattaldy.