Qaraǵandyda «Nur Otan» partıasynyń oblystyq fılıalynyń XXX eseptik-saılaý konferensıasy ótti, dep habarlaıdy Qamshy.kz aqparat agenttigi.
Konferensıa barysynda Qaraǵandy oblysynyń ákimi ári partıanyń oblystyq fılıalynyń basshysy Erlan Qoshanov «Nur Otan» partıasynyń basty kúshin atady.
«Nur Otan» partıasy jańa ózgerister kezeńine tap keldi. Ózderińiz de baıqaǵan bolarsyzdar, sońǵy ýaqyttarda partıa ár iste, ár jobada asa belsendilik tanytyp keledi, halyqty ońtaıly nátıjelerimen qýantyp jatyr, eń bastysy, turǵyndardyń partıaǵa degen kózqarasy jaqsarǵan. Bile bilseńizder, «Nur Otan» - bıliktiń emes, naǵyz istiń partıasy. Bárin tolǵandyratyn suraq mynaý: «Nur Otannyń» basty kúshi nede? Partıany alǵa jetelep otyratyn – bastapqy partıalyq uıymdar», - dedi Erlan Qoshanov.
Qaraǵandy – «nurotandyqtardyń» mekeni desek te qatelespeıtin shyǵarmyz. Sebebi respýblıka boıynsha «Nur Otanǵa» múshe turǵyndardyń maksımaldy kórsetkishi osy Qaraǵandy óńirinde. Statısıkaǵa sáıkes, partıa quramynda 110 myńǵa jýyq qaraǵandylyq bar dep boljanady.
«Bul azamattardyń aty-jóni ǵana jazylǵan qarapaıym tizim emes. Bul – berik, irgesi myqty resýrs. Partıaǵa jańadan enip jatqan jastarymyzdy odan ári jigerlendirip, belsendi bolýyna kúsh salý – bizdiń mindet», – dedi oblys ákimi jýrnalıserdiń suraqtaryna jaýap bere otyryp.
Aıta keteıik, «Nur Otan» partıasy 1999 jyldan beri halyqqa qyzmet etip keledi. Onyń qalyptasý tarıhy Qazaqstan Respýblıkasynyń tuńǵysh prezıdenti Nursultan Ábishuly Nazarbaevtyń esimimen tyǵyz baılanysty. Nazarbaev – partıanyń ıdeıalyq qoldaýshysy, qalyptasqan kúnnen beri basy-qasynda.
1999 jyly Qazaqstan Respýblıkasynyń Prezıdenti Nursultan Nazarbaevtyń bastamasy boıynsha «Otan» partıasy qurylyp, keıin ol Qazaqstannyń prezıdenttik iri partıasyna aınaldy.
2006 jyly «Otan» partıasynyń kezekti sezinde «Otan» RSP atalýy «Nur Otan» halyqtyq-demokratıalyq partıasy» bolyp, al 2013 jyly «Nur Otan» halyqtyq-demokratıalyq partıasy» atalýy «Nur Otan» partıasy bolyp ózgertildi.
«Nur Otan» partıasynyń saıası kúshi bar bolǵandyqtan, ony halyqtyń partıasy dep ataýǵa bolady. Osylaısha qoǵamdyq ozat partıalar qurylǵan. Oǵan ár qazaqstandyq turǵylyqty ornyna qaramastan ózi úshin mańyzdy máseleler boıynsha júgine alady.
Astanadaǵy memlekettik organdardyń basshylary men Parlament depýtattaryn qabyldaıtyn respýblıkalyq qoǵamdyq qabyldaý bólmesine Astana turǵyndarynan basqa ár azamat elektrondyq qoǵamdyq qabyldaý arqyly júgine alady.
Partıa kelesi jobalarǵa bastamashylyq etti:
1) «Kedergisiz keleshek» - densaýlyqtaryna baılanysty múmkindigi shekteýli tulǵalardyń ómir súrý sapasyn arttyrýǵa baǵyttalǵan jobasynyń aıasynda bir aı ishinde 500 múgedek, al 2014 jyly 9,9 myń múgedek jumysqa ornalastyryldy, áleýmettik ınfraqurylymnyń 870 astam obektisi qoljetimdi boldy.
2) «Baqytty otbasy» – otbasylyq qundylyqtardy dáripteı otyryp otbasy, adamgershilik, rýhanı ınstıtýttaryn bekitýge baǵyttalǵan jobasynyń aıasynda 2014 jyly 2 myńnan astam otbasyna kómek kórsetildi, 180 myń otbasyna qajetti keńester, psıhologıalyq jáne quqyqtyq kómekter berildi.
Halyqtyq partıa árqashan memleketimizdiń, onymen qosa barsha qazaqstandyqtyń gúldenýine jaǵdaı jasaıtyn bolady.
