Halyqaralyq qarttar kúni merekesine oraı qarttarǵa jáne múgedekterge arnalǵan qaıyrymdylyq túski asy berildi.
Búgin oblystyq qarttar men múgedekter úıinde qarttar kúni atap ótildi. Qazirgi ýaqytta munda 103 adam turady: 1 jáne 2 toptaǵy 57 múgedek jandar, qalǵan 46 - memleket qamqorlyǵyndaǵy qart adamdar.
- Ekinshi jyl qatarynan bizdiń áleýmettik mekemede turatyn adamdardyń sany birdeı deńgeıde - qart adamdar men zeınetkerler kóbeımeıdi ári azaımaıdy. Qalamyzda beı-jaı qaldyrmaı, demeýshilik kómek kórsetip, qajet nárselerdiń bárin alyp berip jatyrǵan turǵyndardyń baryna qýanyshtymyn. Jergilikti bılik organdary da bul isti tys qaldyrmaı syı-qurmet syılaıtyn bolady,- deıdi Qarttar jáne múgedekter úıiniń dırektory Qılymqas Kúzembaeva.
Turǵyndar áleýmettik mekemesin quttyqtaýǵa Atyraý qalasynyń ákimi Alımuhammed Quttumurat-uly keldi. Qala basshysy naýqastarǵa ,eski turǵyndarǵa syılyq usyndy jáne halyqaralyq merekege oraı uıymdastyrylǵan qaıyrymdylyq túski asqa qatysty.
- Qazaqstanda árqashan da qart adamdar qurmetke ıe. Sizderdi osy mańyzdy kúnmen quttyqtaǵym keledi. Sizderge zor densaýlyq, uzaq ómir tileımin, - dedi Alımuhammed Quttumurat-uly. 
Aıta keteıik, Atyraý oblysynda 60 jastan asqan 50 myńnan astam adam turady.