Atyraý oblysynyń aktıvi memleket basshysynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýyn talqylap, osy baǵdarlamalyq qujatty júzege asyrý aıasynda qolǵa alynatyn aldaǵy mindetterdi birge belgileý úshin jınaldy.

Aktıv jumysyn bastaǵan oblys ákimi Nurlan Noǵaev Elbasynyń bıylǵy Joldaýy halyqtyń ál-aýqatynyń deńgeıin joǵarylatýǵa baǵyttalǵanyn atap ótti. Jıynda eksportqa baǵyttalǵan ındýstrıalızasıa, ınovasıalyq jáne servıstik sektordy damytý, agroónerkásiptik keshen áleýetin paıdalaný máseleleri talqylandy. Prezıdent Joldaýy aıasynda adam kapıtalyn damytý, ıaǵnı bilim berý, densaýlyq saqtaý, buqaralyq sport nysandarynyń qoljetimdiligin arttyrý boıynsha jasalatyn jumystar qatary kóp.

-Memleket basshysy «Bıznestiń jol kartasy-2020» baǵdarlamasyn 2025 jylǵa deıin uzartýdy tapsyrdy. Bul taǵy da kóp jobalardy júzege asyrýǵa, sol arqyly kásipkerlikti damytýǵa múmkindik beredi. Atalǵan baǵdarlama iske asa bastaǵan ýaqyttan beri, 2010-2018 jyldar aralyǵynda 1158 kásipker 81,3 mlrd teńge kóleminde memlekettik qoldaýǵa ıe boldy, -dedi Nurlan Noǵaev. –Bul 5,7 myńnan astam jańa jumys ornynyń ashylýyna septigin tıgizdi.

Aımaqtaǵy bıznes-qurylymdarmen jalpy somasy 182,6 mlrd teńgeniń ónimi óndirildi. Memlekettik qoldaý baǵdarlamalary kásipkerlerge jańa óndiris oryndaryn ashýǵa serpin berdi. Qazir óńirdegi shaǵyn jáne orta bıznes sýbektileriniń sany 57 myńǵa jetti. Bıznesti júrgizýge qolaıly jaǵdaı jasaý úshin oblys ortalyǵynda, barlyq aýdandarda kásipkerlerdi qoldaý ortalyqtary ashyldy.

-Memleket basshysy halyqty alańdatatyn máselelerge jeke-jeke toqtaldy. Birinshi kezekte turǵyn úı-kommýnaldyq saladaǵy tarıfter. Atyraý oblysy boıynsha komýnaldyq qyzmet tarıfteri, sonyń ishinde elektr energıasy, sý jáne káriz qyzmetteri boıynsha bıyl ósý deńgeıi bolǵan joq, - dep atap ótti Nurlan Noǵaev. –Joldaýdyń taǵy bir baǵyty eksportqa baǵyttalǵan ındýstrıalızasıa máseleleri. Oblysta 44 kásiporyn eksportqa baǵyttalǵan ónim shyǵarady. Jyl basynan beri 152,4 mln

dollardyń taýary óndirildi. Atalǵan kásiporyndardyń belsendilikterin arttyrý boıynsha jumys júrgizip jatyrmyz.

Otandyq ekonomıkanyń mańyzdy salasynyń biri – aýyl sharýashylyǵy. Prezıdent eńbek ónimdiligin jáne qaıta óńdelgen aýyl sharýashylyǵy óniminiń eksportyn 2022 jylǵa 2,5 ese kóbeıtýdi tapsyrdy. Sondyqtan qazirgi zamanǵy agrotehnologıany jappaı tájirıbege engizý kerek.

Oblys ákimi Nurlan Noǵaev aktıvke qatysýshy agrarlyq qyzmetkerlerge aýyl sharýashylyǵyn jan-jaqty damytý qajettiligi týraly eskertti. Bul baǵytta aımaqta úlken jumystar júrip jatyr. Qazir elektrondy kartaǵa 6432 egistik alqapty qosý jumystary jalǵasýda. Aýyl sharýashylyǵy maqsatyndaǵy jeti myńnan astam alqap elektrondy kartaǵa engizildi.

-Joldaýdaǵy basym mindetterdiń biri - aýyl kásipkerlerine sharýashylyq júrgizýdiń jańa daǵdylaryn úıretý. Jappaı oqytý júıesin qalyptastyrý maqsatynda bıyl «Bastaý bıznes» jobasy boıynsha kásipkerlik negizde oqytýǵa jergilikti búdjetten 55,9 mln teńge qarajat bólinip, oǵan 1 325 adam «Atameken» kásipkerler palatasy arqyly oqytylý josparlanǵan, - dedi aımaq basshysy.

Sonymen qatar, aýyl sharýashylyǵyn qarjylandyrýdy kóbeıtý josparda bar. Aldaǵy bes jylda agroónerkásip keshenine salynatyn ınvestısıa 7,4 mlrd teńgege jetetin bolady.

Joldaý júktegen mindetter qatarynda dástúrli emes energıa kózderin engizý, halyq tutynatyn taýarlardy shyǵarýdy damytý da bar. Joǵarǵy, orta bilim berý berý salalarynda jańalyqtar kútilýde.

-Bıyl bilim berý salasyn damytýǵa 62,2 mlrd teńge bólindi. Bul qarajat bilim berýdiń sapasy men qoljetimdiligin arttyrýǵa tikeleı yqpal etedi, - dedi Nurlan Noǵaev.

Ómir súrýge jaıly orta qalyptastyrý baǵytynda elimizde «7-20-25» baǵdarlamasy qolǵa alyna bastady. Ol qazaqstandyqtarǵa turǵyn úı ıpotekasyn alý múmkindigin arttyrýǵa arnalǵan. Memleket basshysy ákimderge jergilikti búdjetten jeńildetilgen ıpoteka boıynsha bastapqy tólemdi ishinara sýbsıdıalaýdy, iri qalalarda jaldamaly turǵyn úı qurylysyn kóbeıtýdi tapsyrdy. Atyraý oblysynda osy máseleni sheshý úshin turǵyn úı alýǵa áleýmettik qoldaýdyń eki nusqasy qaralyp jatyr – 1

mln teńge kólemindegi áleýmettik kómek jáne 15 jylǵa prosentsiz qaryz berý.

Aktıv barysynda aýmaqtyq damý, polısıa qyzmetiniń jumysyn ońtaılandyrý týraly da aıtyldy. Jalpy aktıvke qatysýshylar Prezıdenttiń Qazaqstan halqyna Joldaýynda aıqyndalǵan mindetterdiń mańyzdylyǵyna toqtalyp, olardy júzege asyrýǵa daıyn ekenderin jetkizdi. Jıynǵa qatysýshylar memleket basshysynyń kezekti Joldaýynyń ýaqytyly ári mańyzdy ekenin aıtyp, atyraýlyqtardyń el damýyndaǵy erekshe qujatty júzege asyrýǵa úles qosatyndaryn atap ótti.