Partıalyqtar Elbasynyń Joldaýyndaǵy tapsyrmalardyń oryndalý barysyn baqylaýǵa belsene kiristi. «Nur Otan» QR Parlament Májilisindegi fraksıasy arqyly Memleket basshysy tapsyrmalarynyń tıimdi oryndaýly úshin jasalǵan normatıvti-quqyqtyq aktilerge qosymsha ózgerister engizýdi josparlap otyr.

Nursultan Nazarbaev halyqqa Joldaýynda ekonomıkadaǵy básekelestiktiń damý joly men Turǵyn úı komýnaldyq sharýashylyǵy (TÚKSH) qyzmetiniń tarıfterine asa mán bergen bolatyn. Elbasynyń sózinshe, komýnaldyq qyzmet salasy men shynaıy monopolıanyń retke keltirilýinde tıimdi monıtorıń pen baqylaý júıesi jasalmaǵan. Osyǵan oraı, prezıdent atalmysh máseleni qarastyryp, monopolıaǵa qarsy vedomstvo jumysyn reformalaý, básekelestikti saqtaý fýnksıasyn kúsheıtý jumystary úshin sheneýnikterge úsh aı ýaqyt berdi.

Elbasy Joldaýynda qarastyrylǵan sharalardy zańdy turǵyda júzege asyrý maqsatynda partıalyqtar «Turǵyn ú-kommýnaldyq sharýashylyǵy máseleleri boıynsha QR-nyń keıbir aktilerine ózgerister men tolyqtyrýlar engizý» týraly Zańnamany talqylady. Bul taqyryp qazaqstandyqtardy birneshe jyldan beri mazalap kele jatqan edi. «Nur Otan» partıasynyń strategıalyq zertteý ınstıtýtynyń derekterine sáıkes, respýblıka turǵyndarynyń 36 paıyzy komýnaldyq qyzmettiń jumysyna kóńilderi tolmaıdy. Turǵyndardyń shaǵymynan kompanıalardyń qyzmet kórsetý sapasynyń tómendigi men tólenip jatqan aqshanyń tıisti túrde baqylanbaıtynyn baıqaýǵa bolady.

Baspasóz májilisin ashqan «Nur Otan» partıasy tóraǵasynyń birinshi orynbasary Máýlen Áshimbaev komýnaldyq qyzmet tarıfterin baqylaýdy qolǵa alatynyn eskertti.

«Elbasynyń tapsyrmasyna oraı atalmysh sharany júzege asyrýdy «Nur Otan» partıasynyń alǵashqy jospary dep aıtqym keledi. Bul biz atqaratyn iri ári aýqymdy jumystyń biri bolmaq», - dedi Máýlen Áshimbaev.

«Nur Otan» partıasy Tóraǵasynyń birinshi orynbasary Áshimbaevtyń sózinshe, TÚKSH máselesi boıynsha joǵaryda atalǵan zańnamaǵa ózgerister men tolyqtyrýlar engizý qazirgi ýaqytta parlamenttiń qaraýynda. Partıanyń mindeti – halyqty alańdatqan suraqtardy jınap, saraptaý.

«Biz bul salada tıimdi monıtorıń uıymdastyrýymyz qajet. Monopolıser men komýnaldyq qyzmet mamandary qalaı jumys isteıdi? Osyǵan oraı biz qoǵamdyq uıymdarmen, tıisti mamandarmen, Úkimettik emes uıymdarmen birlesip jumys istemekpiz», - dedi Máýlen Áshimbaev.

Qaıta qaralǵan zańnamaǵa sáıkes, Turǵyn úı komýnaldyq sharýashylyǵynyń birlesken memlekettik aqparattyq júıesin qurý múmkindigi qarastyrylýda. 

Jalpy ózgerister TÚKSH júıesine baılanysty birneshe suraqtarǵa jaýap bere alady. Sonyń ishinde:

-basqarýshy kompanıanyń sapaly qyzmet etýin qamtamasyz etý;

-kommýnaldyq qyzmetter men tólemderdi esepke alýdy jetildirý;

-TÚKSH salasyna joǵary tehnologıalardy engizý;

-úıge ortaq múlikterdi esepke alý prosedýrasyn jedeldetý;

-úıge ortaq múlikti ýaqytyly jóndeýden ótkizýdi qamtamasyz etý.

Dóńgelek ústel barysynda Qazaqstan Respýblıkasy Parlamentiniń depýtattary, «Nur Otan» partıasyna qarasty keńes músheleri, memlekettik organdar men úkimettik emes uıymdardyń ókilderi, sonymen qatar, óńirlerden birneshe ókil qatysty.