Elimizdiń eńbek sińirgen qaıratkeri Júrsin Erman «Kókjaılaý» jobasyna qarsylyq bildirýshilerdi ózderin jarnamalaýshylar men arzan upaı jınaýshylar dep batyl synady.

«Meniń oıymsha, «Kókjaılaý» jobasyna qarsy jandar jeńil jol izep, ózderin jarnamalap, arzan upaı jınaýda. Bizge bireý emes, osyndaı birneshe joba qajet. Alpine jaqyn ornalasqan Eýropa elderi taýshańǵysy týrızminde jaqsy tabysqa qol jetkiziýde. Bizdiń taýlarymyz qandaı keremet, biz tabıǵattyń bar baılyǵyn barynsha utymdy paıdalanýymyz qajet», - dep atap ótti Júrsin Erman.

Óz kezeginde «Bolashaq» respýblıkalyq qozǵalysynyń tóraǵasy Dáýren Babamuratov jekelegen qazaqstandyqtardyń Avstrıa men Fransıa kýrorttaryna barýlaryna múmkindikteri joq ekenin aıtty.

«Sonda jastar qaıda syrǵanaýlary tıis? Keıbireýleriniń Eýropada, Fransıa men Avstrıada shańǵy tebýlerine jaǵdaılary kótermeıdi. Eger «Kókjaılaýdyń» ornyna zaýyt salynsa, ol qorshaǵan ortaǵa zıanyn tıgizedi ǵoı», - dedi Dáýren Babamuratov.