Jambyl oblysy ákimdigi ishki saıasat basqarmasy «Óńirlik komýnıkasıalar qyzmetiniń» alańynda Qazaqstan Respýblıkasy Ulttyq bankiniń» Jambyl fılıaly dırektory Evgenıı Sharygın, «Bank SentrKredıt» AQ Taraz qalasyndaǵy fılıalynyń dırektory Bekdaýyl Iptıldaev, "Sesnabank" AQ fılıalynyń dırektory Ǵalymjan Dolanbekovtyń qatysýymen baspasóz konferensıasy ótti. Spıkerler «7-20-25 Baǵdarlamasyn iske asyrý» týraly baıandap, jýrnalıserdiń suraqtaryna jaýap berdi.

Memleket basshysynyń aǵymdaǵy jyldyń naýryz aıynda usynǵan 5 áleýmettik bastamasynynń birin iske asyrý sheńberinde Qazaqstan Ulttyq Banki jańa «7-20-25. Árbir otbasyna baspana alýdyń jańa múmkindikterin berý» ıpotekalyq turǵyn úı kredıtteý baǵdarlamasyn (budan ári - Baǵdarlama) bekitti, «Baspana» ıpotekalyq uıymy» quryldy.

Baǵdarlama basqa memlekettik ıpotekalyq baǵdarlamalardyń aıasynda edáýir erekshelenedi. Nysanaly  ındıkatorlarǵa sáıkes  ıpotekalyq  kredıtterdiń jalpy kólemi 1 trıllıon teńgeni quraıdy. Halyqqa 7% tarıhı tómen mólsherleme boıynsha, kredıtteletin turǵyn úı qunynyń 20% mólsherinde bastapqy jarna, sondaı-aq 25 jylǵa deıin kredıt merzimimen ıpotekalyq kredıt alýdyń teńdessiz sharttary usynylady.

Baǵdarlamaǵa menshik quqyǵynda baspanasy jáne da ıpotekalyq qaryzdary joq Qazaqstannyń árbir azamaty qatysa alady. Baǵdarlamanyń qatysýshysynyń kásipkerlik nemese eńbek qyzmetinen turaqty rastalǵan kirisi bolýy qajet.

Baǵdarlama halyqqa bastapqy turǵyn úı alýyna eseptelgen. Sonymen qatar, turǵyn úı satyp alý úshin Astana, Almaty, Aqtaý jáne Atyraý qalalary úshin baǵanyń eń joǵary shegi 25 mıllıon teńge, al qalǵan óńirler úshin (onyń ishinde Jambyl oblysy úshin) - 15 mln teńge dep belgilendi.

Qazirgi tańda «Baspana» arnaıy kompanıasy Sentrkredıt Bankimen, Halyq bankpen, Eýrazıalyq Bankpen, Sesna Bankpen, ATF Bankpen, RBK Bankimen, Turǵyn úı qurylysy jınaq bankimen jáne Forte Bankimen kelisimge qol qoıdy.

Jambyl oblysynda búgingi kúni 6 banktiń fılıaly jumys isteıdi – olar SentrKredıt Bankiniń, ATF Banktiń, Halyq Banktiń, Sesnabanktiń, Eýrazıalyq Banktiń jáne Forte Banktiń fılıaldary.

Sonymen, kredıt somasy 12 mln. teńge kezinde ıpoteka alýshyǵa júkteme aıyna 85 myń teńgeni quraıdy. Aýmaqtarda ádette turǵyn úı somasy tómen bolady, onda kredıt somasy 7 mln. teńgeni quraıdy. Al ıpoteka alýshyǵa júkteme aıyna 50 myń teńgeni quraıdy.

Osylaısha, «Baspana» kompanıasynyń áriptes bankteriniń damyǵan jelisin eskere otyryp, «7-20-25» ıpotekalyq baǵdarlamasy eldiń barlyq óńirlerin qamtyp, Qazaqstannyń biraz azamatyna kópten kútken turǵyn úıin alýǵa kómektesedi dep uıǵarylýda.

Atalǵan baǵdarlama kezekke turyp, kútýdiń qajettiligi bolmaýymen utymdy. Árkim qurylys salýshyny ózi tańdaıdy, turǵyn úıdi ózi tabady, bankke júginedi jáne ary qaraı ıpotekany rásimdeıdi.

2018 jylǵy 25 qazanǵa memlekette Baǵdarlama boıynsha ekinshi deńgeıdegi banktermen qabyldanǵan ótinimderdiń jalpy sany 47 194,2 mln.teńge bolyp 3 989 ótinishti qurady. 31 806,8 mln.teńgege 2 658 ótinishi maquldandy.

Jambyl oblysy boıynsha 25.10.2018 jylǵy jaǵdaıǵa bank fılıaldarymen 407,7 mln. teńgege 51 ótinish qabyldanyp, 284,8 mln.teńgege 33 ótinish maquldandy. Onyń ishinde: 6 zaem bilim salasynda jumys isteıtin jumysshylarmen, 2 – áskerı, 3 – memlekettik organ qyzmetkerlerimen, 6 – medısına qyzmetkerlerimen, 2 – sportshylarmen, 1 zaem aýyl sharýashylyǵy salasynyń qyzmetkerimen, 1 – poshtalyq qyzmet jumysshysymen, 2 – ekinshi deńgeıdegi banktiń qyzmetkerlerimen, 5 zaem jeke uıymdarda jumys isteıtin tulǵalarmen jáne 1 zaem HQKO qyzmetkerimen alynǵany týraly aqparat bar.

Baǵdarlama sheńberinde júzege asyrylýy múmkin bastapqy turǵyn úı obektilerine qatysty qazirgi tańda Baǵdarlama boıynsha bastapqy turǵyn úıdi myna jerlerden alýǵa bolady:

- «7-20-25» baǵdarlamasy sheńberinde EDB júzege asyrylatyn, jaqyn arada QTQJB-dan JAO beriletin «Nurly jol» baǵdarlamasy boıynsha turǵyzylǵan «Araı» alqabyndaǵy shamamen 100 páter;

-  «7-20-25» baǵdarlamasy sheńberinde EDB júzege asyrylatyn, kelesi jyly QTQJB-dan JAO beriletin «Nurly jol» baǵdarlamasy boıynsha turǵyzylǵan 15 yqsham aýdanyndaǵy 300-ge jýyq páter (barlyǵy aǵymdaǵy jyly 10 úı turǵyzyldy – bul 800 páter, onyń 500-ne QTQJB lınıasy boıynsha basymdyqqa ıe salymshylardy nesıeleý kútilip otyr);

- jeke qurylys salýshylardan – 80 páter (Bınom JSHS, Jambyl Tas-Qum JSHS, Abylaı Sana 2003 JSHS, Vosqod ÓK, Pıko ÓK jáne Qarataý Qurylys JSHS).

Sondaı-aq, Ulttyq Banktiń Jambyl fılıaly Baǵdarlamanyń talaptaryn túsindirý, oblystyń bastapqy turǵyn úı naryǵyndaǵy obektiler týraly halyqty aqparattandyrý maqsatynda, jergilikti atqarý organdarymen birlesip elimiz boıynshada aýmaq boıynshada Baǵdarlamany júzege asyrý barysy týraly aýqymdy jumystar atqarylýda: jergilikti buqaralyq aqparat quraldarynyń qatysýymen baspasóz konferensıalary, brıfıńter, JAO men EDB fılıaldarynyń ókilderiniń qatysýymen oblystyń kásiporyndary jáne uıymdarymen kezdesýler jáne t.b. uıymdastyrylýda.

Sondaı-aq halyqqa yńǵaıly bolý úshin resmı www.baspana72025.kz saıty iske qosyldy, odan barlyq qajetti aqparatty alýǵa bolady. Sondaı-aq + 7 (727) 227-20-25 tegin nómiri boıynsha call-ortalyq táýlik boıy jumys isteıdi. Qazirgi ýaqytta 7-20-25 baǵdarlamasynyń mobıldi qosymshasy ázirlenýde, ol jýyq arada App Store men Play Market arqyly kóshirip alý úshin qoljetimdi bolady.

Sonymen birge, QR Ulttyq Banki Basqarmasynyń 2018 jylǵy 27 tamyzdaǵy №206 qaýlysymen Baǵdarlamaǵa sonyń ishinde astananyń, respýblıkalyq mańyzy bar qalalar men oblystardyń jergilikti atqarýshy organdarymen (budan ári - JAO) qaıtarý merzimderi eki jylǵa deıngi, sondaı-aq syıaqy mólsherlemesi Qazaqstan Respýblıkasy Úkimetimen shyǵarylǵan memekettik baǵaly qaǵazdar boıynsha syıaqy mólsherlemesinen tómen emes oblıgasıalardy shyǵarý arqyly bastapqy turǵyn úıdi qurylys salýshylardan satyp alý men qurylys salýdy qarjylandyrý mehanızmin paıdalanýdy qarastyratyn ózgerister engizilgenin atap ótken jón.

Engizilgen ózgeristerge sáıkes, operator JAO-nyń 150 mldr.teńgege deıingi kólemdegi oblıgasıalaryn satyp alýy múmkin, sonyń ishinde Astana, Almaty, Shymkent qalalarynda 20 mlrd.teńge, basqa aýmaqtarda 6,4 mlrd.teńge lımıttermen.

Biraq, zaem alý úshin JAO salǵan bastapqy turǵyn úıdiń baǵasy Baǵdarlamamen belgilengen turǵyn úıdiń maksımaldy baǵasynan aspaýy tıis.

Aımaqtarda «7-20-25. Árbir otbasyna baspana alýdyń jańa múmkindikterin berý» ıpotekalyq turǵyn úı kredıtteý baǵdarlamasyn sátti iske asyrý, sondaı-aq jas januıalar men búdjet salasyndaǵy qyzmetkerlerdiń qarjylyq júktemesin azaıtý maqsatynda «Baspana» ıpotekalyq uıymy» aksıonerlik qoǵamy (budan ári – Kompanıa) «Jas arman» jáne «Qamqor baspana» ónimderin qurastyrdy. Kompanıanyń usynyp otyrǵan mehanızimine sáıkes jetgilikti atqarýshy organdar (budan ári – JAO) oblıgasıalar shyǵaryp, atalǵan kategorıadaǵy halyq úshin alǵashqy jarnanyń jartysy qarjylandyrý boıynsha mindettemeni óziniń moınyna alady. Óz kezeginde Kompanıa JAO oblıgasıalaryn satyp alýdy júzege asyryp, Baǵdarlamaǵa qatysýshy banktermen  atalǵan kategorıadaǵy halyqqa zaem berilýin qamtamasyz etedi.

Búgingi kúni «Jas arman» jáne «Qamqor baspana» ónimderi Shymkent qalasynda synamaly rejımde jumys isteýde. Shymkent qalasynyń ákimshiligi alǵashqy jarnany qarjylandyrý maqsatynda qaıtarym negizde 2 mlrd. teńge bólýde. JAO qoldaýy shamamen 2 myń jas januıalar men búdjettik salada qyzmetkerlerdi qamtıdy dep kútilýde.

Sonymen qatar, Kompanıa qaıtalama turǵyn úıdi nesıeleýge baǵyttalǵan jańa ónim – «Baspana hıt» jańa ónimin qurastyrdy.

«Baspana hıt» «Baspana» ıpotekalyq uıymynyń» «7-20-25» baǵdarlamasynan ózgeshe ónim ekenin aıta ketken mańyzdy. Alǵashqy jarna turǵyn úı somasynyń 20% quraıdy, jyldyq mólsherleme = Ulttyq Banktiń bazalyq mólsherlemesi + 1,75%. Qazir Ulttyq Banktiń bazalyq mólsherlemesi 9% quraıtynyn eskersek, «Baspana hıt» ónimi boıynsha mólsherleme qazirgi kezde 10,75 paıyzdy quraıdy. Nesıe merzimi 15 jylǵa deıin.

Atalǵan ónim boıynsha halyqtyń tarapynan úlken qyzyǵýshylyq týyndaıdy dep kútilýde, ol ıpotekalyq naryqtyń damýyna jáne qazaqstandyqtardy turǵyn úımen qamtamasyz etýge jaqsy áser etýge óz septigin tıgizedi.